KABAHIN SA PAGPANGANDAM
SA paghikay niining maong lindog, nagkamulo na gayod ang pagpangandam sa probinsiya sa Cebu sa pag-host niini sa umaabot nga 12th ASEAN Summit. Nagpadayon na karon ang seryosong pagpangandam. Ang paghawan ug pag-ayo sa nangaguba nga mga dalan sa South Reclamation Area sa Mandaue City ug sa uban pang dapit niini maoy kabahin sa pagpangandam alang sa nahisgotang summit nga ipahigayon sa Disyembre.
Kini ang hinungdan nga gipahibalo ni Mandaue City Mayor Thadeo Ouano ngadto sa mga nanag-iya og istruktura nga illegal nga gitukod sa daplin sa kadalanan sa maong siyudad nga boluntaryo nilang gub-on ang maong mga istruktura aron sa paghawan sa maong dapit. Sakto baya kining gibuhat ni Ouano nga iya pa gayod nga gipasidan-an ug gipahibalo ang mga tag-iya og istruktura nga illegal nga gitukod sa daplin sa dalan sa boluntaryong pagguba niini. Pinaagi niining maong lakang, walay kabubut-on nga masilo kaniya.
Lahi man god kaayo kon kaliton lang sa pagpangguba ang maong mga istruktura sa walay bisan diyotay na lang nga pasidaan. Bisan pa kaha kon lehitimo ang rason sa pagpangguba, dili kalikayan nga aduna gayoy magbagulbol. Karon nga miluwat na og pahibalo si Mayor Ouano nga kinahanglang boluntaryong gub-on sa mga tag-iya ang mga istruktura nga ilang gitukod sa daplin sa kadalanan nga illegal ang pagkatukod, dili na sila makamahay kon ipa-demolish (pananglit) kini sa mayor kon dili lang sila mokihol. Gipahibalo ug gipasidan-an na god sila.
Sa nasayran, ang sumpay sa dalan sa A.S. Fortuna nga nahisakop na sa barangay Guizo adunay napulog tulo ka illegal structures nga kinahanglang gub-on, 20 sa C.D. Seno nga nahisakop sa barangay Tipolo ug may 20 usab sa R. Colina nga nahisakop sa barangay Ibabao-Estancia. Gawas niini, aduna usay lima ka illegal structures diha sa highway Maguikay ug may usa sa nagpaingon sa Marcelo B. Fernan Bridge nga nahisakop na sa barangay Umapad.
Nasayran nga ang maong mga dalan giandam na karon alang sa umaabot nga ASEAN Summit pinaagi sa pagpanindot ug pagbutang og mga sugang dagitabnon...
Nindot kining maong lakang. Makaingon ko nga alerto gayod kanunay ang lokal nga kagamhanan sa dakbayan sa Mandaue ug kanunay nagpinsar og maayong mga ideya kon unsaon aron mas mahimong andam sa pag-host sa summit.
Hinaot usab unta nga mokooperar ang mga Mandauehanon niining maong lakang aron kini magmalamposon. Sa tinuod lang, usa ka dakong pribilihiyo alang sa Cebu ang pag-host sa 12th ASEAN Summit busa kinahanglan ug makataronganon lang nga pangandaman gayod kinig maayo. (Columnist Uriel Vallecera is based in Cebu province)
SA paghikay niining maong lindog, nagkamulo na gayod ang pagpangandam sa probinsiya sa Cebu sa pag-host niini sa umaabot nga 12th ASEAN Summit. Nagpadayon na karon ang seryosong pagpangandam. Ang paghawan ug pag-ayo sa nangaguba nga mga dalan sa South Reclamation Area sa Mandaue City ug sa uban pang dapit niini maoy kabahin sa pagpangandam alang sa nahisgotang summit nga ipahigayon sa Disyembre.
Kini ang hinungdan nga gipahibalo ni Mandaue City Mayor Thadeo Ouano ngadto sa mga nanag-iya og istruktura nga illegal nga gitukod sa daplin sa kadalanan sa maong siyudad nga boluntaryo nilang gub-on ang maong mga istruktura aron sa paghawan sa maong dapit. Sakto baya kining gibuhat ni Ouano nga iya pa gayod nga gipasidan-an ug gipahibalo ang mga tag-iya og istruktura nga illegal nga gitukod sa daplin sa dalan sa boluntaryong pagguba niini. Pinaagi niining maong lakang, walay kabubut-on nga masilo kaniya.
Lahi man god kaayo kon kaliton lang sa pagpangguba ang maong mga istruktura sa walay bisan diyotay na lang nga pasidaan. Bisan pa kaha kon lehitimo ang rason sa pagpangguba, dili kalikayan nga aduna gayoy magbagulbol. Karon nga miluwat na og pahibalo si Mayor Ouano nga kinahanglang boluntaryong gub-on sa mga tag-iya ang mga istruktura nga ilang gitukod sa daplin sa kadalanan nga illegal ang pagkatukod, dili na sila makamahay kon ipa-demolish (pananglit) kini sa mayor kon dili lang sila mokihol. Gipahibalo ug gipasidan-an na god sila.
Sa nasayran, ang sumpay sa dalan sa A.S. Fortuna nga nahisakop na sa barangay Guizo adunay napulog tulo ka illegal structures nga kinahanglang gub-on, 20 sa C.D. Seno nga nahisakop sa barangay Tipolo ug may 20 usab sa R. Colina nga nahisakop sa barangay Ibabao-Estancia. Gawas niini, aduna usay lima ka illegal structures diha sa highway Maguikay ug may usa sa nagpaingon sa Marcelo B. Fernan Bridge nga nahisakop na sa barangay Umapad.
Nasayran nga ang maong mga dalan giandam na karon alang sa umaabot nga ASEAN Summit pinaagi sa pagpanindot ug pagbutang og mga sugang dagitabnon...
Nindot kining maong lakang. Makaingon ko nga alerto gayod kanunay ang lokal nga kagamhanan sa dakbayan sa Mandaue ug kanunay nagpinsar og maayong mga ideya kon unsaon aron mas mahimong andam sa pag-host sa summit.
Hinaot usab unta nga mokooperar ang mga Mandauehanon niining maong lakang aron kini magmalamposon. Sa tinuod lang, usa ka dakong pribilihiyo alang sa Cebu ang pag-host sa 12th ASEAN Summit busa kinahanglan ug makataronganon lang nga pangandaman gayod kinig maayo. (Columnist Uriel Vallecera is based in Cebu province)
No comments:
Post a Comment