TAG P1,000 ALLOWANCE
DIHAY mitumaw nga laraw nga hatagan og allowance nga tag P1,000 matag bulan sa Cebu City ang mga polis nga naggikan sa lainglaing dapit o kaprobinsiyahan nga madestino sa dakbayan aron motabang sa pagpatunhay sa kahusay ug kalinaw atol sa pagpahigayon sa ASEAN Summit.
Mao kini ang rekomendasyon sa Police Coordinating and Advisory Council (PCAC) ngadto ni Cebu City Mayor Tomas Osmena. Gibutyag ni Konsehal Procopio Fernandez, chairman sa committee on police sa Cebu City Council, nga ang tumong niini mao nga adunay magasto ang mga polis sa ginagmay nilang panginahanglanon atol sa ilang pagkadestino sa dakbayan sa Sugbo.
Maayo baya unta ang katuyoan ni Fernadez. Pero sa dili pa pahinaykan sa pagpatuman ang maong laraw, mas maayo tingali nga hinuktokan unag maayo kon angayan ba gayod nga hatagan ang maong mga polis og P1,000 nga allowance sa ilang pagkadestino dinhi sa dakbayan atol sa ASEAN Summit.
Maayo usab kon tun-an kon makiangayon ba usab kini alang sa ubang mga polis nga ma-assign dinhi sa Sugbo atol sa ASEAN Summit pero dili mahatagan og P1,000 tungod kay taga dinhi sila.
Gikinahanglan ba gayod nga, gawas sa permanente nilang suweldo, hatagan og dugang insentibo ang mga polis nga ma-assign dinhi sa Sugbo atol sa summit? Basin baya og pag-usik-usik lang kini sa salapi?
Usbon ko, dili ko supak niining maong lakang. Apan mas maayo unta kon sutaon una kon lehitimo ba gayod kining maong lakang aron makalikay kita sa daghang bagulbol. Malipay ko kon ipatuman kini. Apan sa panud-ong sa mga Sugboanon, angayan ba kaha kini?
Mao ra kini ang akong pangutana. Hinaot unta nga hatagan og konsiderasyon sa atong mga opisyal ang duha ka kilid sa kuwartang biyugol aron makita ang lainlaing dagway sa maong kuwarta.
-o0o-
Nagpadayon ang reklamo nga akong nadawat gikan sa mga PUJ drivers sa dakbayan sa Sugbo. Tungod man god kini sa mga dispatser nga badlongon kaayo nga naghatag og kahasol kanila.
Partikular nga gireklamo ang mga dispatser nga anaa diha sa F. Ramos luyo sa Robinsons, sa may skywalk sa Osmena Blvd. duol sa may Fuente, sa eskina sa P. del Rosario ug Osmena Blvd., eskina sa Colon ug Osmena Blvd., eskina sa Manalili ug Osmena Blvd. ug diha sa Magallanes duol sa USJ-R.
Dako man god kaayog matibhang sa ilang kita ang mga dispatser. Tiaw ba nga dili man mosugot kining mga kanahan kon P1 ray ihatag sa driver kay P2 gyod ngadto sa P5 ang ilang gusto. Sa akong balanse, morag dako pagkitaon ang mga dispatser kay sa mga drayber.
Bisan unsaon nakog balanse, ang gihimo sa mga dispatser usa ka matang sa pagpangutong o pangilkil mao nga angay gayod kining sumpoon. Mao nga angay gayod hugtan sa pagpatuman ang anti-dispatching ordinance sa dakbayan sa Sugbo aron pagpitol sa hingpit sa mga dispaser.
DIHAY mitumaw nga laraw nga hatagan og allowance nga tag P1,000 matag bulan sa Cebu City ang mga polis nga naggikan sa lainglaing dapit o kaprobinsiyahan nga madestino sa dakbayan aron motabang sa pagpatunhay sa kahusay ug kalinaw atol sa pagpahigayon sa ASEAN Summit.
Mao kini ang rekomendasyon sa Police Coordinating and Advisory Council (PCAC) ngadto ni Cebu City Mayor Tomas Osmena. Gibutyag ni Konsehal Procopio Fernandez, chairman sa committee on police sa Cebu City Council, nga ang tumong niini mao nga adunay magasto ang mga polis sa ginagmay nilang panginahanglanon atol sa ilang pagkadestino sa dakbayan sa Sugbo.
Maayo baya unta ang katuyoan ni Fernadez. Pero sa dili pa pahinaykan sa pagpatuman ang maong laraw, mas maayo tingali nga hinuktokan unag maayo kon angayan ba gayod nga hatagan ang maong mga polis og P1,000 nga allowance sa ilang pagkadestino dinhi sa dakbayan atol sa ASEAN Summit.
Maayo usab kon tun-an kon makiangayon ba usab kini alang sa ubang mga polis nga ma-assign dinhi sa Sugbo atol sa ASEAN Summit pero dili mahatagan og P1,000 tungod kay taga dinhi sila.
Gikinahanglan ba gayod nga, gawas sa permanente nilang suweldo, hatagan og dugang insentibo ang mga polis nga ma-assign dinhi sa Sugbo atol sa summit? Basin baya og pag-usik-usik lang kini sa salapi?
Usbon ko, dili ko supak niining maong lakang. Apan mas maayo unta kon sutaon una kon lehitimo ba gayod kining maong lakang aron makalikay kita sa daghang bagulbol. Malipay ko kon ipatuman kini. Apan sa panud-ong sa mga Sugboanon, angayan ba kaha kini?
Mao ra kini ang akong pangutana. Hinaot unta nga hatagan og konsiderasyon sa atong mga opisyal ang duha ka kilid sa kuwartang biyugol aron makita ang lainlaing dagway sa maong kuwarta.
-o0o-
Nagpadayon ang reklamo nga akong nadawat gikan sa mga PUJ drivers sa dakbayan sa Sugbo. Tungod man god kini sa mga dispatser nga badlongon kaayo nga naghatag og kahasol kanila.
Partikular nga gireklamo ang mga dispatser nga anaa diha sa F. Ramos luyo sa Robinsons, sa may skywalk sa Osmena Blvd. duol sa may Fuente, sa eskina sa P. del Rosario ug Osmena Blvd., eskina sa Colon ug Osmena Blvd., eskina sa Manalili ug Osmena Blvd. ug diha sa Magallanes duol sa USJ-R.
Dako man god kaayog matibhang sa ilang kita ang mga dispatser. Tiaw ba nga dili man mosugot kining mga kanahan kon P1 ray ihatag sa driver kay P2 gyod ngadto sa P5 ang ilang gusto. Sa akong balanse, morag dako pagkitaon ang mga dispatser kay sa mga drayber.
Bisan unsaon nakog balanse, ang gihimo sa mga dispatser usa ka matang sa pagpangutong o pangilkil mao nga angay gayod kining sumpoon. Mao nga angay gayod hugtan sa pagpatuman ang anti-dispatching ordinance sa dakbayan sa Sugbo aron pagpitol sa hingpit sa mga dispaser.
No comments:
Post a Comment