MEDIA SA ASEAN
SA akong paghikay niining lindog, gikataho nga giplastar na ni Cebu City Mayor Tomas Osmena ang kontak niya sa mga embahadang Pilipinhon sa gawas sa nasod aron maoy moila sa mga sakop sa foreign media nga mo-cover sa ASEAN Summit nga ipahigayon sa Sugbo sa Disyembre.
Mao kini ang akong gibeliban ni Mayor Osmena. Abtik siya kaayo ug aktibo sa bisan unsang kalihokan nga may kalabotan sa kalamboan. Labaw sa tanan, kadali ra siyang makahunahuna og nindot nga mga ideya nga makatabang aron molambo ang Sugbo ug mailhan sa tibuok kalibotan.
Matod pa nga may giandam na nga mga brochure bahin sa kaanindot sa Sugbo nga gitagana nga ipanghatag ngadto sa mga sakop sa foreign media aron nga bisan dili pa sila makaabot dinhi sa Sugbo, may ideya na sila kon unsa kining maong lugar.
Nasayod si Osmena nga dili lang mga ordinaryong beat reporters ang moanhi sa Sugbo aron pag-cover sa ASEAN Summit kondili may mga senior editors gayod nga moanhi aron mokuhag estorya alang sa tagsatagsa ka kompaniya sa media nga ilang gialagaran sa ilang mga nasod.
Pinaagi sa giandam nga mga brochure, daghan unya silag ikaasoy bahin sa kaanindot sa Sugbo nga makapaikag usab sa mga negosyante sa pagbubo og puhonan alang sa pamatigayon. Makatampo usab unya kini sa pagpalambo sa industriya sa turismo sa Sugbo.
Maayo kining maong ideya ni Osmena. Tinuod gayod nga pinaagi unya niining maong mga brochure, mas mailhan ang Sugbo ug masayran sa kadaghanan pinaagi unya sa pagpakaylap sa foreign media kon unsay mga nindot nga talan-awon nga makaplagan sa Sugbo.
-o0o-
Dako gayopd og kahimoan ang pagpahigayon sa ASEAN Summit dinhi sa Sugbo. Karon pa lang gani, gipangpikot na ang mga libaongong karsada aron makita sa mga langyawng delegado sa summit nga nindot diay ang kadalanan sa Sugbo.
Pero dili sab maayo kon kanunay na lang anhi ang ASEAN Summit sa Sugbo. Hasol kaayo tungod kay pangandaman man gayod kinig maayo sa mga Sugboanon. Hinuon, dili man gayod mahitabo nga anhi na lang kanunay sa Sugbo ipahigayon ang Summit.
Dako usab natong dungog nga dinhi gayod sa Sugbo ipahigayon ang Summit. Seguradong naglaway niining maong kalamboan ang Manila. Nagpasabot lang kini nga ang Manila dili makabentaha sa Sugbo. Mao nga garbo sa mga Sugboanon nga ang Sugbo maoy napili nga pahigayonan sa summit.
Manghinaot lamang kita nga magmalamposon ang pag-host sa Sugbo sa summit. Maayo unta nga dili kini lawgawon sa mga badlongon sa katilingban, ilabi na gayod niadtong mibatig kasina nga ang Sugbo maoy napili nga pahigayonan sa Summit.
SA akong paghikay niining lindog, gikataho nga giplastar na ni Cebu City Mayor Tomas Osmena ang kontak niya sa mga embahadang Pilipinhon sa gawas sa nasod aron maoy moila sa mga sakop sa foreign media nga mo-cover sa ASEAN Summit nga ipahigayon sa Sugbo sa Disyembre.
Mao kini ang akong gibeliban ni Mayor Osmena. Abtik siya kaayo ug aktibo sa bisan unsang kalihokan nga may kalabotan sa kalamboan. Labaw sa tanan, kadali ra siyang makahunahuna og nindot nga mga ideya nga makatabang aron molambo ang Sugbo ug mailhan sa tibuok kalibotan.
Matod pa nga may giandam na nga mga brochure bahin sa kaanindot sa Sugbo nga gitagana nga ipanghatag ngadto sa mga sakop sa foreign media aron nga bisan dili pa sila makaabot dinhi sa Sugbo, may ideya na sila kon unsa kining maong lugar.
Nasayod si Osmena nga dili lang mga ordinaryong beat reporters ang moanhi sa Sugbo aron pag-cover sa ASEAN Summit kondili may mga senior editors gayod nga moanhi aron mokuhag estorya alang sa tagsatagsa ka kompaniya sa media nga ilang gialagaran sa ilang mga nasod.
Pinaagi sa giandam nga mga brochure, daghan unya silag ikaasoy bahin sa kaanindot sa Sugbo nga makapaikag usab sa mga negosyante sa pagbubo og puhonan alang sa pamatigayon. Makatampo usab unya kini sa pagpalambo sa industriya sa turismo sa Sugbo.
Maayo kining maong ideya ni Osmena. Tinuod gayod nga pinaagi unya niining maong mga brochure, mas mailhan ang Sugbo ug masayran sa kadaghanan pinaagi unya sa pagpakaylap sa foreign media kon unsay mga nindot nga talan-awon nga makaplagan sa Sugbo.
-o0o-
Dako gayopd og kahimoan ang pagpahigayon sa ASEAN Summit dinhi sa Sugbo. Karon pa lang gani, gipangpikot na ang mga libaongong karsada aron makita sa mga langyawng delegado sa summit nga nindot diay ang kadalanan sa Sugbo.
Pero dili sab maayo kon kanunay na lang anhi ang ASEAN Summit sa Sugbo. Hasol kaayo tungod kay pangandaman man gayod kinig maayo sa mga Sugboanon. Hinuon, dili man gayod mahitabo nga anhi na lang kanunay sa Sugbo ipahigayon ang Summit.
Dako usab natong dungog nga dinhi gayod sa Sugbo ipahigayon ang Summit. Seguradong naglaway niining maong kalamboan ang Manila. Nagpasabot lang kini nga ang Manila dili makabentaha sa Sugbo. Mao nga garbo sa mga Sugboanon nga ang Sugbo maoy napili nga pahigayonan sa summit.
Manghinaot lamang kita nga magmalamposon ang pag-host sa Sugbo sa summit. Maayo unta nga dili kini lawgawon sa mga badlongon sa katilingban, ilabi na gayod niadtong mibatig kasina nga ang Sugbo maoy napili nga pahigayonan sa Summit.
No comments:
Post a Comment