UPAT KA DAGKONG REHIYON
USA sa nag-unang isyu nga gihisgotan pa hangtod karon mao ang plano sa pagbahin sa Pilipinas ngadto sa upat ka dagkong rehiyon kun supra region. Adunay miuyon ug aduna usay misupak sa maong laraw sa katarongan nga managlahi depende sa ilang tagsatagsa ka interpretasyon niini nga lakang.
Sa iyang bahin, si Cebu City Mayor Tomas Osmena misuporta sa planong pagpatuman sa mega region nga maghiusa sa tanang mga rehiyon sa Pilipinas ngadto na lang sa upat ka dagkong rehiyon.
Sa ato pa nga kon matigayon kini, wala na unyay Region 7 diin nahisakop ang dakbayan ug lalawigan sa Sugbo. Matod pa nga si Presidente Gloria Macapagal Arroyo mismo ang miduso niini sa tinguha nga mapalambo pag-ayo ang ekonomiya ug turismo sa atong nasod.
Si Osmena miingon nga wala pa hinuon siya makaseguro kon makabenepisyo ba aniini ang nasod nga Pilipinhon apan hugot siyang nagtuo nga maghatag gayod kinig positibong resulta sa mga Sugboanon.
Hinuon sa akong bahin, wala pa koy baroganan mahitungod niining lakang nga upaton na lang ang RP tungod kay wala pa ko makatugkad sa hingpit sa maong lakang. Wala pa ko makombinser nga segurado gayod nga kining maong plano makahatag og kabulahanan sa atong nasod.
-o0o-
Sa pagbuto sa maong isyu, si Cebu Gov. Gwen Garcia mipadayag nga angayan gayod tukion ang paghimog upat na lang ka dagkong rehiyon sa Pilipinas ug tun-an kon makahatag ba gayod kini og kabulahanan sa nasod. Sa resulta sa gihimong pagtuki atol sa gihimong panagtigom sa mga gobernador niadtong miaging bulan, nasuta nga daghang mga gobernador ang pabor kaayo sa maong lakang.
Mao nga karon pa lang gani, ingon sa ako nang napaghilantawan nga posible gayod nga matigayon ang pagpatuman sa maong plano tungod kay nakaani na man kini og suporta gikan sa dagkong mga politiko sa kaprobinsiyahan.
Hinuon, sa akong pagtan-aw, mas makaayo kini sa nasod kay sa plano sa pipila ka magbabalaod nga pagdugang og laing distrito sa ilang mga probinsiya. Ang pagdugang og laing distrito klarong pag-usik-usik sa kuwarta sa kagamhanan kay nagkahulogan man kini nga mosuweldo na usab kitag laing representante.
Mao nga kon papilion ko tali sa pagdugang og laing distrito sa kaprobinsiyahan ug sa paghimong upat ka dagkong rehiyon sa RP, maoy akong paboran ang naulahi. Apan wala kini magpasabot nga hingpit na kong misuporta niining maong laraw.
Dugang niini, ang paghimong upat sa RP, alang kanako, mas maayo pa kay sa gilaraw nga pagbuakbuak sa Sugbo ngadto sa tulo o upat ka probinsiya. Ang pagbuakbuak sa Sugbo, alang kanako, dili gayod makadulot og kaayohan ngadto sa mga Sugboanon.
ANDAM NA BA ANG CEBU?
HANGTOD karon daghan pa gihapon ang nagduhaduha kon andam na ba ang Cebu alang sa mass transport system nga giplanohan nga sagopon aron pagsulbad sa suliran sa trapiko nga nagkagrabe na gayod ang kahuot tungod sa volume sa mga sakyanan.
Padayon nga gisupak kining maong plano. Apan daghan ang mga pasahero nga nahinangop niini tungod kay nasayod sila nga silay makabenepisyo kon mahinayon gayod kining maong transport scheme. Pero mao lagi, daghan ang nangutana kon andam na ba gayod ang Cebu niining maong sistema.
Dili nato malalis ang kalehitimo sa maong pangutana mao nga kinahanglan nga sutaon gayod kon segurado ba nga andam na ang dakbayan sa Sugbo sa pagbiyahe sa mga bus ug ang mga PUJ adto na lang pabiyaheon sa mga dapit nga lisod sudlon sa mas dagko nga mga bus nga maoy mohakot sa mga pasahero.
Usa ka dako ug mapangahason kining maong lakang. Pero sa dili pa mopahinayak, angayan nga sutaon kon maayo ba kaha gayod ang epekto niini. Daghan pang mga aspeto ang angay tun-an aron maseguro nga ang pagpatuman ug pagsagop sa mass transport system mahimong epektibo kaayo.
Daghan kaayo ang miuyon sa mass transit system tungod kay gawas nga mas maayong pagkalingkod sa mga pasahero, makapakunhod usab kini sa kahuot sa trapiko sanglit ang mga pasahero nga masulod sa tulo ngadto sa upat ka jeepneys masulod man kini sa usa lang ka bus.
Pero mikisikisi ang mga PUJ driver ilabi na kadtong direktang maapektohan sa biyahe o rota unya sa mga bus nga magdagan. Makulban kuno sila sa kaldero. Kini ang unod sa ilang kabalaka.
Sa pagsulat niini, giduso nag balik ni Mayor Tomas Osmena ang plano nga mass transit system sa mga sakyanang pasaheroan nga maggikan sa gawas sa nahisgotang siyudad nga molahos sa pagpamasahero sa nahisgotang dakbayan.
Haom kaaro ang mass transport system sa Sugbo tungod kay aduna may dagkong kadalanan nga mahimong maoy subayan sa biyahe sa maong mga public utility vehicles. Ako mismo nagtuo usab nga makapakunhod gayod kini sa kahuot sa trapiko.
Dili hinuon makataronganon nga kulban sa kaldero ang mga PUJ driver. Apan wala man sab sila did-i sa pagpamasahero sa laing rota. Gani, gipasabot man nga mas gikinahanglan ang serbisyo sa mga PUJ kon may mga bus na unya nga magdagan sa kadalanan sa Sugbo.
Ang mga PUJ maoy maghatod sa mga pasahero ngadto sa dapit nga naghulat kanila ang bus nga ilang sakyan. Mao nga dili angay mabalaka ang mga PUJ drivers nga makulban sila sa kaldero.
-o0o-
Nunot niining laraw sa pagpatuman sa mass transport system sa Sugbo, gihunghusgan ni Mayor Osmena ang pagpanakop sa mga PUJ nga nagrota og Mandaue-Jones nga molahos sa pagpamasahero sa uptown area ug ingon man sa Colon subay sa ordinansa nga gipatuman sa CITOM.
Daghan ang nagbagulbol niini tungod kay daghang mga commuters ang naapektohan. Napuwerhisyo sila kay imbes usa lang ka sakay paingon sa ilang gitrabahoan, kaduha na man hinuon sila mosakay tungod kay dili na man makasulod sa kinapusoran sa Cebu City ang mga PUJ nga naggikan sa Mandaue.
Maayo tingali nga hinuktokan kining bahina. Puwerhisyo tinuod. Didto sa Manila, ang mga PUJ nga maggikan sa Caloocan City wala did-i sa pagsulod sa Pasay City hinungdan nga dili hasol sa mga pasahero.
Hinuon, lahi ang sitwasyon sa Manila kay sa Sugbo. Pero kinahanglan gyod unta nga hatagan og convenience ang mga pasahero, dili kay puwerhisyo ang atong idulot ngadto kanila.(Columnist Uriel Vallecera is based in Cebu province)
HANGTOD karon daghan pa gihapon ang nagduhaduha kon andam na ba ang Cebu alang sa mass transport system nga giplanohan nga sagopon aron pagsulbad sa suliran sa trapiko nga nagkagrabe na gayod ang kahuot tungod sa volume sa mga sakyanan.
Padayon nga gisupak kining maong plano. Apan daghan ang mga pasahero nga nahinangop niini tungod kay nasayod sila nga silay makabenepisyo kon mahinayon gayod kining maong transport scheme. Pero mao lagi, daghan ang nangutana kon andam na ba gayod ang Cebu niining maong sistema.
Dili nato malalis ang kalehitimo sa maong pangutana mao nga kinahanglan nga sutaon gayod kon segurado ba nga andam na ang dakbayan sa Sugbo sa pagbiyahe sa mga bus ug ang mga PUJ adto na lang pabiyaheon sa mga dapit nga lisod sudlon sa mas dagko nga mga bus nga maoy mohakot sa mga pasahero.
Usa ka dako ug mapangahason kining maong lakang. Pero sa dili pa mopahinayak, angayan nga sutaon kon maayo ba kaha gayod ang epekto niini. Daghan pang mga aspeto ang angay tun-an aron maseguro nga ang pagpatuman ug pagsagop sa mass transport system mahimong epektibo kaayo.
Daghan kaayo ang miuyon sa mass transit system tungod kay gawas nga mas maayong pagkalingkod sa mga pasahero, makapakunhod usab kini sa kahuot sa trapiko sanglit ang mga pasahero nga masulod sa tulo ngadto sa upat ka jeepneys masulod man kini sa usa lang ka bus.
Pero mikisikisi ang mga PUJ driver ilabi na kadtong direktang maapektohan sa biyahe o rota unya sa mga bus nga magdagan. Makulban kuno sila sa kaldero. Kini ang unod sa ilang kabalaka.
Sa pagsulat niini, giduso nag balik ni Mayor Tomas Osmena ang plano nga mass transit system sa mga sakyanang pasaheroan nga maggikan sa gawas sa nahisgotang siyudad nga molahos sa pagpamasahero sa nahisgotang dakbayan.
Haom kaaro ang mass transport system sa Sugbo tungod kay aduna may dagkong kadalanan nga mahimong maoy subayan sa biyahe sa maong mga public utility vehicles. Ako mismo nagtuo usab nga makapakunhod gayod kini sa kahuot sa trapiko.
Dili hinuon makataronganon nga kulban sa kaldero ang mga PUJ driver. Apan wala man sab sila did-i sa pagpamasahero sa laing rota. Gani, gipasabot man nga mas gikinahanglan ang serbisyo sa mga PUJ kon may mga bus na unya nga magdagan sa kadalanan sa Sugbo.
Ang mga PUJ maoy maghatod sa mga pasahero ngadto sa dapit nga naghulat kanila ang bus nga ilang sakyan. Mao nga dili angay mabalaka ang mga PUJ drivers nga makulban sila sa kaldero.
-o0o-
Nunot niining laraw sa pagpatuman sa mass transport system sa Sugbo, gihunghusgan ni Mayor Osmena ang pagpanakop sa mga PUJ nga nagrota og Mandaue-Jones nga molahos sa pagpamasahero sa uptown area ug ingon man sa Colon subay sa ordinansa nga gipatuman sa CITOM.
Daghan ang nagbagulbol niini tungod kay daghang mga commuters ang naapektohan. Napuwerhisyo sila kay imbes usa lang ka sakay paingon sa ilang gitrabahoan, kaduha na man hinuon sila mosakay tungod kay dili na man makasulod sa kinapusoran sa Cebu City ang mga PUJ nga naggikan sa Mandaue.
Maayo tingali nga hinuktokan kining bahina. Puwerhisyo tinuod. Didto sa Manila, ang mga PUJ nga maggikan sa Caloocan City wala did-i sa pagsulod sa Pasay City hinungdan nga dili hasol sa mga pasahero.
Hinuon, lahi ang sitwasyon sa Manila kay sa Sugbo. Pero kinahanglan gyod unta nga hatagan og convenience ang mga pasahero, dili kay puwerhisyo ang atong idulot ngadto kanila.(Columnist Uriel Vallecera is based in Cebu province)
No comments:
Post a Comment