MARIJUANA
ANG lungsod sa Balamban, nga sakop sa probinsiya sa Cebu nabaniog pag-ayo sa plantasyon sa marijuana, ilabi na gayod ang mga dapit nga nahimutang sa kabukiran nga lisod na kaayong taakon sa mga awtoridad tungod kay layo na kini kaayo. Kanunay gayod kining malambigit sa isyu sa marijuana.
Makadaghan na makadiskubre ang mga tinugyanan sa balaod og plantasyon sa marijuana sa bukirang bahin sa maong lungsod apan ingon sa walay pagkapuo ang mga marijuana nga gipananom tungod kay hangtod karon padayon pa man gihapon nga nakadiskubre ang kapolisan og dugang mga plantasyon sa marijuana sa nahisgotang munisipalidad.
Karon lang bag-o, ang kapolisan sa lungsod sa Balamban nipahigayon na usab og pagpangronda sa bukirang barangay sa maong lungsod nga gikatahong may dakong plantasyon sa marijuana.
Ang plantasyon nakaplagan sa Sitio Gapo, Barangay Matun-og, sa nahisgotang lungsod. Sumala sa taho, mikabat sa 2,550 ka punoan sa marijuana ang naibot sa kapolisan nga gipangulohan sa hepe nga si Police Chief Insp. Anthony Bagarinao.
Sama sa gihapon, ako nagtuo nga ang maong plantasyon sa marijuana dili maoy kataposan nga madiskubrehan sa mga tinugyanan sa balaod sa bukirang barangay sa lungsod sa Balamban. Maayo unta kon dili gayod lung-an sa mga awtoridad ang pagsuhid sa kabukiran aron maibot ang dugang pang mga marijuana nga delikado kaayo kon ikapayuhot ngadto sa mga kunsomedor niini.
-o0o-
Niadtong miaging bulan, miluwat og kamandoan si Mandaue City Mayor Thadeo Ouano nga tugotan ang mga militanteng grupo sa pagpasiugda og rally nga dili manginahanglan og permit.
Kining maong kamandoan gibase sa gibase sa giluwatan niyang Executive Order no. 16 pagtugot sa mga militante pag-rally sa Mandaue City Tennis Court nga maoy freedom park sa siyudad.
Husto kaayo kining maong kamandoan ni Ouano tungod kay niining demokratikanhong pangagamhanan sa atong nasod, gawasnon man kita sa pagpadayag sa atong mga sentimento ngadto sa katilingban.
Ang pag-rally nga nagkinahanglan pag permit, alang kanako, nakapug-ok og diyotay sa atong kagawasan. Hinuon, ang pag-rally nga may permit makatabang usab tingali aron mahapsay ang ipahigayon nga panagtigom.
Manghinaot lang ko nga dili usab unta abusohan sa mga militante kining pabor nga gihatag ni Mayor Ouano kanila. Kini ra bang uban natong kaigsuonan nga militante mag-abuso usab kon lugakan.
ANG lungsod sa Balamban, nga sakop sa probinsiya sa Cebu nabaniog pag-ayo sa plantasyon sa marijuana, ilabi na gayod ang mga dapit nga nahimutang sa kabukiran nga lisod na kaayong taakon sa mga awtoridad tungod kay layo na kini kaayo. Kanunay gayod kining malambigit sa isyu sa marijuana.
Makadaghan na makadiskubre ang mga tinugyanan sa balaod og plantasyon sa marijuana sa bukirang bahin sa maong lungsod apan ingon sa walay pagkapuo ang mga marijuana nga gipananom tungod kay hangtod karon padayon pa man gihapon nga nakadiskubre ang kapolisan og dugang mga plantasyon sa marijuana sa nahisgotang munisipalidad.
Karon lang bag-o, ang kapolisan sa lungsod sa Balamban nipahigayon na usab og pagpangronda sa bukirang barangay sa maong lungsod nga gikatahong may dakong plantasyon sa marijuana.
Ang plantasyon nakaplagan sa Sitio Gapo, Barangay Matun-og, sa nahisgotang lungsod. Sumala sa taho, mikabat sa 2,550 ka punoan sa marijuana ang naibot sa kapolisan nga gipangulohan sa hepe nga si Police Chief Insp. Anthony Bagarinao.
Sama sa gihapon, ako nagtuo nga ang maong plantasyon sa marijuana dili maoy kataposan nga madiskubrehan sa mga tinugyanan sa balaod sa bukirang barangay sa lungsod sa Balamban. Maayo unta kon dili gayod lung-an sa mga awtoridad ang pagsuhid sa kabukiran aron maibot ang dugang pang mga marijuana nga delikado kaayo kon ikapayuhot ngadto sa mga kunsomedor niini.
-o0o-
Niadtong miaging bulan, miluwat og kamandoan si Mandaue City Mayor Thadeo Ouano nga tugotan ang mga militanteng grupo sa pagpasiugda og rally nga dili manginahanglan og permit.
Kining maong kamandoan gibase sa gibase sa giluwatan niyang Executive Order no. 16 pagtugot sa mga militante pag-rally sa Mandaue City Tennis Court nga maoy freedom park sa siyudad.
Husto kaayo kining maong kamandoan ni Ouano tungod kay niining demokratikanhong pangagamhanan sa atong nasod, gawasnon man kita sa pagpadayag sa atong mga sentimento ngadto sa katilingban.
Ang pag-rally nga nagkinahanglan pag permit, alang kanako, nakapug-ok og diyotay sa atong kagawasan. Hinuon, ang pag-rally nga may permit makatabang usab tingali aron mahapsay ang ipahigayon nga panagtigom.
Manghinaot lang ko nga dili usab unta abusohan sa mga militante kining pabor nga gihatag ni Mayor Ouano kanila. Kini ra bang uban natong kaigsuonan nga militante mag-abuso usab kon lugakan.
Dili sab maayo nga abusohan nato ang kaayo nga gipakita ni Mayor Ouano.(Columnist Uriel Vallecera is based in Cebu province)
No comments:
Post a Comment