MAKIGPUSTAANAY
DAGHAN gyod ang nabalaka ug nangagpas nga dili mahuman segun sa gitakdang petsa sa pagtapos ang gitukod nga higanteng proyekto, ang Cebu International Convention Center (CICC) sa Mandaue City. Importante kaayo nga matapos ang maong proyekto sa labing daling panahon tungod kay gamiton man kini sa umaabot nga ASEAN Summit.
Nunot niining mga pagduhaduha ug kabalaka, mipadayag ang architect sa CICC nga si Maning Guanzon nga makigpustaanay siya niadtong dili motuo nga mahuman gayod sa pagtukod ang CICC sa gitakdang panahon. Optimistiko kaayo si Guanzon nga mahuman gayod ang CICC sa Nobiyembre 15, 2006.
Gani, gipadayag ni Guanzon nga mopusta siya og P500,000 pabor sa pagkatapos sa maong proyekto sa nahisgotang target date. Dako na alang kanako ang maong kantidad pero mahimong gamay ra kini alang kang Guanzon. Pero base niini, ako nagtuo nga hugot gayod ang iyang pagsalig nga matapos ang maong proyekto segun sa gitakdang panahon alang niini.
Mao nga kon ako pa diha sa inyong dapit, wagtanga na lang ang inyong kabalaka nga dili matapos sa pagtukod ang CICC unya sa Nobiyembre. Sa laing bahin, kon ugaling mosipyat ang pagbanabana sa mga nagpaluyo sa pagtukod niini, magsabot una kita kon angayan bang magdungan kita sa pagkatawa.
-o0o-
Dako gyod kong supak sa gilaraw sa pipila ka politiko nga pagbuakbuak sa Sugbo ngadto sa tulo o upat ka probinsiya kun Sugbuak. Ingon sa dili kini mohaom sa kultura ug panginahanglan sa mga Sugboanon karong panahona. Labaw nang dili kini ang tukmang paagi sa pagpauswag sa Sugbo.
Inay maghiusa aron magtambayayong sa pagpalambo, sama sa gitudloan na hinuon kita sa pagkabahin-bahin ug sa pag-iyahay. Nagpasiugda kinig kahakog ug mosiwil ang kamatuoran nga adunay hakog nga interes nga nagpaluyo niining maong tinguha.
Gusto man gani ang kagamhanan ni Presidente Arroyo nga maghimog super regions sa tibuok kapupud-an aron mas makab-ot ang daling kalamboan, unya buakbuakon na hinuon ang Sugbo. Dili man hinuon kini dakong kontradiksiyon sa gitinguha sa Presidente, pero alang kanako, dili gayod kini magdulot og kaayohan ngadto sa mga Sugboanon.
Ambot sab ning pipila ka politiko kon nganong sa kadaghan sa mga proyekto nga angay nilang ipatuman aron molambo ang Sugbo, ang pagbuakbuak pa man gayod niini maoy ilang nahunahunaan? Ang angay unta nilang buhaton mao ang pagpatuman sa mga proyekto nga makahatag og kaayohan sa ilang mga kakonstituwente.
Hinuon, nakasabot ko nga daghang mga politiko ang gustong mahimong gobernador sa Sugbo. Ug kini sila nagtuo nga ang pagbuakbuak sa Sugbo mao ray paagi nga matuman nila ang ilang gidamgo. Buot bang ipasabot nga misurender na sila sa kalig-on sa mga Garcia?
Pastilan baya, uy. Alang nako, ang pagbuakbuak sa Sugbo dili gayod angay matigayon. Gikahadlokan ko ang pagpatuman unya niini. Simbako lang!
DAGHAN gyod ang nabalaka ug nangagpas nga dili mahuman segun sa gitakdang petsa sa pagtapos ang gitukod nga higanteng proyekto, ang Cebu International Convention Center (CICC) sa Mandaue City. Importante kaayo nga matapos ang maong proyekto sa labing daling panahon tungod kay gamiton man kini sa umaabot nga ASEAN Summit.
Nunot niining mga pagduhaduha ug kabalaka, mipadayag ang architect sa CICC nga si Maning Guanzon nga makigpustaanay siya niadtong dili motuo nga mahuman gayod sa pagtukod ang CICC sa gitakdang panahon. Optimistiko kaayo si Guanzon nga mahuman gayod ang CICC sa Nobiyembre 15, 2006.
Gani, gipadayag ni Guanzon nga mopusta siya og P500,000 pabor sa pagkatapos sa maong proyekto sa nahisgotang target date. Dako na alang kanako ang maong kantidad pero mahimong gamay ra kini alang kang Guanzon. Pero base niini, ako nagtuo nga hugot gayod ang iyang pagsalig nga matapos ang maong proyekto segun sa gitakdang panahon alang niini.
Mao nga kon ako pa diha sa inyong dapit, wagtanga na lang ang inyong kabalaka nga dili matapos sa pagtukod ang CICC unya sa Nobiyembre. Sa laing bahin, kon ugaling mosipyat ang pagbanabana sa mga nagpaluyo sa pagtukod niini, magsabot una kita kon angayan bang magdungan kita sa pagkatawa.
-o0o-
Dako gyod kong supak sa gilaraw sa pipila ka politiko nga pagbuakbuak sa Sugbo ngadto sa tulo o upat ka probinsiya kun Sugbuak. Ingon sa dili kini mohaom sa kultura ug panginahanglan sa mga Sugboanon karong panahona. Labaw nang dili kini ang tukmang paagi sa pagpauswag sa Sugbo.
Inay maghiusa aron magtambayayong sa pagpalambo, sama sa gitudloan na hinuon kita sa pagkabahin-bahin ug sa pag-iyahay. Nagpasiugda kinig kahakog ug mosiwil ang kamatuoran nga adunay hakog nga interes nga nagpaluyo niining maong tinguha.
Gusto man gani ang kagamhanan ni Presidente Arroyo nga maghimog super regions sa tibuok kapupud-an aron mas makab-ot ang daling kalamboan, unya buakbuakon na hinuon ang Sugbo. Dili man hinuon kini dakong kontradiksiyon sa gitinguha sa Presidente, pero alang kanako, dili gayod kini magdulot og kaayohan ngadto sa mga Sugboanon.
Ambot sab ning pipila ka politiko kon nganong sa kadaghan sa mga proyekto nga angay nilang ipatuman aron molambo ang Sugbo, ang pagbuakbuak pa man gayod niini maoy ilang nahunahunaan? Ang angay unta nilang buhaton mao ang pagpatuman sa mga proyekto nga makahatag og kaayohan sa ilang mga kakonstituwente.
Hinuon, nakasabot ko nga daghang mga politiko ang gustong mahimong gobernador sa Sugbo. Ug kini sila nagtuo nga ang pagbuakbuak sa Sugbo mao ray paagi nga matuman nila ang ilang gidamgo. Buot bang ipasabot nga misurender na sila sa kalig-on sa mga Garcia?
Pastilan baya, uy. Alang nako, ang pagbuakbuak sa Sugbo dili gayod angay matigayon. Gikahadlokan ko ang pagpatuman unya niini. Simbako lang!
No comments:
Post a Comment