MANILA (Mindanao Examiner / 07 Mar) – Matigas ang binitiwang pahayag ng Armed Forces of the Philippines (AFP): Hindi aalisin sa pagkakaposas si senatoriable at dating Navy Lieutenant Senior Grade Antonio Trillanes hanggat hindi nalilinis ang sarili sa kasong kinakaharap!
Ito ang pahayag kanina ni AFP Public Information Office (PIO) Chief Lieutenant Colonel Bartolome Bacarro sa harap ng paghihigpit sa Magdalo leader na nahahaharap sa kasong paglabag sa Articles of War.
Katwiran ni Bacarro, kahit na nagbitiw sa serbisyong-militar si Trillanes, hindi pa rin magbabago ang pagtrato dito bilang akusado sa kasalanang isinakatuparan habang aktibong sundalo.
Malabo aniyang mapagaan ang security set-up kay Trillanes sapagkat sumasailallim pa rin ito sa probisyon ng detensyon sa lahat ng mga nahaharap sa military court martial.
Hindi naman maikumpara ni Bacarro si Trillanes kay dating Senador Gregorio Honasan na bagamat may kasong rebelyon kay hindi pinoposasan.
Sinabi pa ni Bacarro na kahit manalo pa sa senatorial election ang junior officer, mananatili ang higpit ng seguridad nito. "Regardless, it does not mean that if you are running for any position or even though you are elected to any position, it does not mean that your offenses, your liabilities will be exonerated," pahayag ni Bacarro. "Well it's not degrading, that is what is embodied in military law," dagdag nito. (Juley Reyes)
No comments:
Post a Comment