PAGADIAN CITY, Philippines (Mindanao Examiner / Feb. 28, 2008) Motukod ang Malakanyang ug usa ka legal team nga maoy magtuon sa posibleng pagwagtang sa mando ehekutibo 464 isip tubag sa tawag sa Catholic Bishops Conference of the Philippines (CBCP).
Matod pa ni Executive Secretary Eduardo Ermita, gimandoan siya ni Presidente Gloria Macapagal-Arroyo paghulma gilayon sa usa ka legal nga grupo sa wala pa mibiya ang presidente padulong sa Davao City kahapon sa buntag.
Kini ang gisugyot sa Presidente kaniya sa diha-diha magpatawag ug meeting uban sa maong team sa may alas kuwatro sa hapon kagahapon aron sa pagtuon awhag sa CBCP kabahin sa EO 464.
Ang legal team pagalangkuban sa kalihim sa Departmento sa Hustisya, Solicitor General, ug Chief Presidential Legal Counsel, Deputy Executive Secretary for Legal Affairs, ug ang legal officers sa government corporate counsels. (PIA Pagadian City)
No comments:
Post a Comment