ZAMBOANGA CITY (Mindanao Examiner / Mar. 16, 2008) – Nagmistulang “ghost town” ang maraming bahagi ng Zamboanga City kahapon dahil sa laban ni boxing superstar Manny Pacquiao kay Juan Miguel Marquez.
Nagtumpukan ang maraming mga manonood, partikular ang ordinaryong tagahanga ni Pacquaio at tricycle at jeepney driver sa ibat-ibang kainan at mga iba ay nasa sinehan at hotel.
Nakuha ni Pacquiao ang World Boxing Council Super Featherweight mula kay Marquez sa labanang naganap sa Mandalay Hotel sa Las Vegas. Si Pacquiao ang kauna-unahang Asyano na nagkamit ng tatlong ibat-ibang titulo sa larangan ng boxing.
Masaya ang naging laban para sa maraming mga taga-hanga ni Pacquiao sa Zamboanga City ngunit dahil sa kilalang sugarol ang mga Chabacano ay nauwi sa pustahan ang laban nina Pacquiao at Marquez.
Mustulang sabong ang boxing at kaliwa’t-kanan ang sigawan sa pustahan. “Katuwaan lamang itong pustahan,” ani naman ng isang “kristo” na nagpakilalang lamang sa pangalang Jason.
Umabot umano sa 400 ang kumisyon at balato na nakuha ni Jason sa pustahan. Wala rin inulat na krimen sa Zamboanga City sa ilang oras ng labanan kahapon katulad ng inaasahan ng pulisya. (Mindanao Examiner)
No comments:
Post a Comment