Si Presidente Gloria Macapagal-Arroyo kinsa mibiya sa nasud paingon sa Estads Unidos niadtong miaging adlawng Dominggo nahiabot na sa Estados Unidos pagkatapos sa 19 ka oras nga pagbiyahe.
Ang unang adlaw ni Presidente as Estados gugulon sa pagpakighinabi ni Citibank chairman ug Chief Executive Officer kon CEO Bill Rhodes didto sa Presidential Suite of the Plaza.
Ang Citibank mao ang pinakadakong bangko sa Estados Unidos basi niadtong Marso 2007 ug mao usab kini ang pinakadakong langyaw nga bangko sa Pilipinas.
Sa samang adlaw moatendir usab si presidente Arroyo sa salo-salo uban sa mga lideres sa mga nasud kinsa moatendir sa 63rd UN General Assembly.
Ang ikaduhang adlaw ni Presidente Arroyo sa Estados Unidos nakalaan alang sa iyang pagpamulong sa UN General Assembly kinsa ikaupat siya sa mga mamumulong sunod sa Presidente sa Brazil, Presidente Bush, ug French President Nicolas Sorkozy.
Makigkita si Presidente Arroyo ni OIC Secretary General Ekmeleddin Ihsanoglu aron maghisgot kabahin sa mga negosasyon sa kalinaw uban sa MILF.
Makigkita usab si Presidente Arroyo sa mga lideres sa St. Vincent ug Grenadines, St. Kitts and Nevis, Andorra, San Marino, Cape Verde, Equatorial Guinea, Iceland, Belgium, Slovenia, Comoros, Libya, Senegal, Cyprus Antigua, Barbuda, Norwegian Foreign Minister Nikolay Vassilev, Russian Foreign Minister Igor Ivanov, Argentina Presidente Christina Fernandez, Costa Rica President, Papua New Guinea, ug mga Pilipinong empleyado sa UN.
Motambong usab si Presidente sa Women's Leaders Working Group nga pangunahan ni US Secretary of State Condoleeza Rice. Si Presidente Arroyo gilaoman nga mahiuli sa Pilipinas karong umaabot adlawng Sabado. (Lanie Tupaz)
No comments:
Post a Comment