Maynila - "Ang kalinaw may kalabutan ang tanan," mao kini ang slogan nga gipalanog ni Secretary Avelinao Razon Jr. sa iyang una nga pakigpulong sa publiko atubang sa Rotary Club of Malate Lunes dihang siya ang milingkod sa katungdanan isip bag-o nga presidential adviser on the peace process (OPAPP) gikan sa iyang gisundan nga si Secretary Hermogenes Esperon Jr.
"Nagkalain-lain man ang mga natad sa mga kalihokan nga atong gihimo, ako maga-ingon nga ang atong tanan nga mga paningkamot gikinahanglan nga magtultol ning maong katuyuan," si Razon nagkanayon tungod kay bisan pa man sa mga panagbingkil ug mga kakulian nga masinati, "ang kalinaw dili halayo kon kita ang hiniusa nga magtrabaho padulong ngadto sa iyang katumanan.
Usa ka tigpatuman sa balaod sobra sa tulo ka mga dekada isip suluguon sa katawhan, lakip na ang iyang paghupot sa katungdanan isip pinakataas nga ranggo sa pulis sa wala pa siya miundang sa iyang katungdanan sa Septyembre sa nakalabay nga tuig, si Razon ang mi-abiba sa iyang bag-o nga trabaho andam sa pagpakigharong sa hagit dili sa pag-inusara kon dili kauban ang mga katawhan ug katilingban nga atong gisilbihan aron makab-ot ang tinuod ug malahutayon nga kalinaw sa nasud nga gihandum sa matag-usa ka Filipino.
Nagpahayag nga ang maong tahas dili mabangbang, si Razon nagpalanog sa panawagan ni Presidente Gloria Macapagal-Arroyo nga ang "2009 mao ang nagbalk nga tuig sa kalinaw, kauswagan, ug kalampusan sa Mindanao."
"Mao kini ang panawagan nga atong sundon tungod kay mao kini ang pangawagn sa matag-Filipino. Ug mao kini ang panawagan nga dili nato angay nga isalikway ilabi na karong panahona diin daghan sa atong mga katagilungsodilabi ang Mindanao, magapadayon pag-ampo alang sa kalinaw ug kalamboan;"matud pa niya. (Philippine Information Agency)
No comments:
Post a Comment