Monday, June 08, 2009

Administrator Jet Hofer mo-Aproba sa 90 mil pesos alang sa Hog Raising Project sa PH-839 Parents Association sa lungsod sa Titay.

ZAMBOANGA SIBUGAY (Mindanao Examiner / June 8, 2009) - Ang PH-389 Parents Association sa lungsod sa Titay sakop ning Probinsya sa Zamboanga Sibugay usa sa mga asosasyon sa mga ginikanan sa maong lungsod nga kasamtangan nga naglaom sa kagamhanan sa probinsya nga matagaan sa dakong pagtagad aron aduna sila egong panginabuhian diha sa nagkadaiyang programa aron epektibo usab sila sa ilahang mga kabanahan.

Ang ilahang gipangandoy gitagaan sa kasulbaran human ang Administrador sa Probinsya ikatakdang mo-aproba sa 90 mil pesos alang sa livelihood project ang gitawag nga Hog Raising Project alang sa maong kapunungan.

Sa kasayuran direkta kang Ely Patriarca nga konektado sa buhatan ni Assistant Nelsie Lazo ang kasamtangan nga PESO Manager sa lalawigan sa Zamboanga Sibugay nga sanga usab sa Department of Labor and Employment kon DOLE sa Probinsya ubos sa pagdumala ni Provincial Officer Emilda Gatinao.

Nasayran nga human ang DOLE sa lalawigan sa Zamboanga Sibugay mipagawas sa huna-huna diha sa maayong plano nga ang mga kabus nga mga ginikanan sa lungsod sa Titay matagaan sa maong proyekto.

Mibutyag si Patriarca nga ang 90 mil pesos ipalit sa mga baktin kon mga Peglets nga maoy gipang-apod-apod unya sa mga ginikanan nga adunay mga kabataan sa Kender Garten hangtod sa Grade Six nga kasamtangan nga nngatungha sa nagkadaiyang tulunghaan sa nahisgutang dapit.

Samtang misuporta gayod si Gobernador George Hofer sa mga maayong tinguha sa mga nagdumala sa maong proyekto kay matod pa sa Amahan sa Probinsya nga ang kinasing-kasing nga serbisyo isip maoy mikopot sa renda sa pangatungdanan dinhi sa lalawigan sa Zamboanga Sibugay makahatag unya sa dakong kahigayonan ug paglaom sa mga kabus nga mga Sibugaynon nga makabinipisyo sa nagkadaiyang proyekto susama sa gihisgutan nato sa unahan. (Ely Dumaboc)

No comments: