Arroyo mikutlo sa importansya sa pagbisita sa ubang nasud

DIPOLOG CITY - Gikutlo ni Presidente Gloria Arroyo ang importansya sa pagbisita sa ubang mga nasud alang sa kalamboan sa atong nasud.

Mao kini usa sa mga bunga sa atong pagbisita sa gawas sa nasud, miingon ang Presidente sa diha nangulo siya sa groundbreaking sa proyekto sa kalsada nga gipondohan sa Australian Agency for International Development (AusAid) sa Impasugong, Bukidnon kagahapon nga makabenepisyo sa upat ka milyon ka mga Pilipino.

Kining proyekto makatabang dili lang sa mga tawo sa Impasugong o Bukidnon apan sa nga silingan dapit usab, gipasabot sa Presidente.

Mitabang sa Presidente sa maong kalihukan mao si Bukidnon Governor Ma. Jose Zubiri Jr., Senator Juan Miguel Zubiri, ug Cong. Candido Pancrudo, sa pagpaubos sa time capsule nga gisudlan sa plano sa proyekto.

Si Governor Zubiri mipahibalo sa Presidente nga ang proyekto sa AusAid molangkob sa 160 kilometros sa all-weather roads.

Usa kini ka bag-ong butang alang sa Bukidnon ug nahimo kining posible pinnagi sa mga paningkamot sa Presidente ug ang atong maayong relasyon ngadto sa kagamhanan sa Australia, miingon ang Gobernador.