Presidente Aquino nagmando sa regional wages board

Presidente Benigno Aquino III

KORONADAL CITY - Nagmando si Presidente Benigno Aquino III sa Regional Tripartite Wages and Productivity Board nga patigayunon ang ila pagpangusisa sa pagsaka sang suhol sang mamumugon nga amo man ang parte sang paghimud-os sang gobyerno para matagaan sabat ang igo sang pagsaka sang bili sang gatong kag bili sang pagkaon.

Ginmando sang Presidente sa isa ka paghisayranay sa mga nagkalain-lain nga hugpong sang mamumugon sa pagsaulog sang Adlaw sang Mamumugon sa Malakanyang sang Dominggo.

Nagsiling si Presidente Aquino nga sa pagmando sa RTWPB sa buhat pagpatigayon sa kaayuhan sang mga mamumugon sa pagpasaka sang suhol maghatag sa sekta sang mamumugon sang katawhay sang isip kag matagaan ang mga mamumugon nga mas pa magpuntirya sang ila nga ginaobra.

Hambal pa sang Presidente nga basi pwede paspasan sang mga wages board ang pagtamod sa mga isyu nga ini, para magpadayon ang mga mamumugon sa ila obra kag pareho ang tanan nga makaginhawa sang mas maayo.

Dugang pa niya nga bisan ginapanan-aw ang pagpangduha-duha nga madamo sang mga negosyante, ilabi na ang mga magagmay nga nagapanag-iya sang kumpanya, may ara nga pagpagpasaka sang presyo, ginpasalig niya nga ipatuman ang tama nga proseso bag-o may matabo pagpahibalo nga pagpasaka sang suhol. (E.B. Dela Cruz)