MALAYBALAY CITY, Bukidnon - Aron nga mas paspas ug madali ang paghatag sa mga nag-unang serbisyo sa kagamhanan, ang buhatan sa Ombudsman nag mugna ug “Team Aksyon Agad” aron mas dali na ang pag responde ug paghatud sa pampublikong serbisyo.
Ubos sa Office Order No. 261 nga pinirmahan ni Acting Ombudsman Orlando Casimiro, ang grupo naglakip sa mga dagkong opisyal sama nila ni Director Marifi Chua isip chairperson, Director Wilbert Candelaria ang Co-chairperson ug uban pang mga opisyal sa Office of the Ombudsman.
Ang maong mando pinasubay sa Office of the Ombudsman isip lumilihok sa pagpakigbatok sa pangurakot o "corruption."
Matud ni Casimiro, tumong sa “Team Aksyon Agad” ang paghatag ug paspas nga tubag sa mga hangyo alang sa diha-diha nga paghatud sa nag-una nga serbisyo sa kagamhanan ug aron ma-aksyonan dayon ang proyekto ug nag-una nga serbisyo sa gobyerno.
Ang “Team Aksyon Agad” makigtambayayong uban sa mga ahensya sama sa Metropolitan Manila Development Authority, Department of public Works and Highways, Philippine National Police ug sa hingtungdan nga local government unit.”
Si Ombudsman Casimiro usab mimando sa grupo alang sa kanunay nga paghatag ug "status report" aron mahibaw-an an mga lakang nga ginahimo sa nasangpit nga grupo. (Ruby Leonora Balistoy)
No comments:
Post a Comment