SUPAK ANG MAYOR
MIPADAYAG sa iyang pagsupak si Cebu City Mayor Tomas Osmena kalabot sa rekomendasyon sa Police Coordinating and Advisory Council (PCAC) nga hatagan sa kagamhanan sa siyudad sa Sugbo og P1,000 nga incentive allowance matag bulan ang mga polis nga naggikan sa lainlaing dapit nga madestino sa dakbayan atol sa pagpahigayon sa ASEAN Summit.
Alang ni Mayor Osmena, wala siyay nakitang balidong hinungdan kon nganong kinahanglan pang mogahin og pundo ang dakbayan sa Sugbo alang sa dugang insentibo sa mga polis tungod kay gimbuhaton sa maong mga polis ang pagpatunhay sa kahusay ug kalinaw.
Samtang malipay unta kita kon misanong pa ang mayor sa maong rekomendasyon apan gitahod usab nato ang iyang pagsupak. Kini tungod kay may sukaranan man usab ang iyang pagsupak sa lakang paghatag og insentibo ngadto sa mga polis nga madestino sa dakbayan sa Sugbo atol sa summit. Suweldado sa kagamhanan ang maong mga polis.
Hinuon, kon miuyon pa gyod si Osmena nga hatagan og insentibo ang mga polis, makaayo usab kini alang sa maong mga polis tungod kay makatapak man gayod kini sa ilang magasto samtang ania sila sa Sugbo. Apan dili usab nato masupak ang kaligdong sa mayor tungod kay nagsandig ang iyang argumento sa balido kaayong katarongan.
Tinuod man usab nga dili gayod mobligasyon sa dakbayan sa Sugbo ang paghatag og insentibo sa mga polis nga madestino sa maong dapit. Bisan asa pa sila madestino, magdawatan sila kanunay sa suweldo nga naggikan sa gobyerno. Busa walay obligasyon ang dakbayan sa Sugbo sa paghatag og insentibo kanila.
-o0o-
Makapahibulong kaayo kay kon mag-uwan gani, maghuot dayon ang trapiko sa dakbayan sa Sugbo nga unta dili man madugangan ang volume sa mga sakyanan nga mosubay sa kadalanan.
Kining suliran sa trapiko sayon ra gyod untang sulbaron kon dili pa lang papingispingisan sa atong mga opisyal ang paghatag niining kasulbaran. Ang problema kay wala man gayod mohimo ang kagamhanan og ultimatum nga sulbad niining maong suliran.
Dili kay ang dakbayan sa Sugbo ray makasinati og kahuot sa trapiko kon mag-uwan. Lakip pod ang Talisay City, Mandaue City, Lapulapu City, Consolacion, Liloan ug uban pa. Angayan sulbaron kining maong suliran kay hasol kaayo kini sa mga biyahedor.
-o0o-
Adunay tapsilogan diha sa Humayhumay Road sa Lapulapu City nga gireklamo tungod kay masuko (kuno) ang tagdumala niini kon mangayo og resibo ang mga kustomer. Tulibagbag kaayo kining pamation.
Ang mas tulibagbag mao ang giingon sa atong texter nga adunay mga babayeng mugbog lupad diha sa maong tapsilogan. Maayong masusi kini sa nahingtungdang ahensiya sa atong kagamhanan aron masuta kon unsa kini ka tinuod.
MIPADAYAG sa iyang pagsupak si Cebu City Mayor Tomas Osmena kalabot sa rekomendasyon sa Police Coordinating and Advisory Council (PCAC) nga hatagan sa kagamhanan sa siyudad sa Sugbo og P1,000 nga incentive allowance matag bulan ang mga polis nga naggikan sa lainlaing dapit nga madestino sa dakbayan atol sa pagpahigayon sa ASEAN Summit.
Alang ni Mayor Osmena, wala siyay nakitang balidong hinungdan kon nganong kinahanglan pang mogahin og pundo ang dakbayan sa Sugbo alang sa dugang insentibo sa mga polis tungod kay gimbuhaton sa maong mga polis ang pagpatunhay sa kahusay ug kalinaw.
Samtang malipay unta kita kon misanong pa ang mayor sa maong rekomendasyon apan gitahod usab nato ang iyang pagsupak. Kini tungod kay may sukaranan man usab ang iyang pagsupak sa lakang paghatag og insentibo ngadto sa mga polis nga madestino sa dakbayan sa Sugbo atol sa summit. Suweldado sa kagamhanan ang maong mga polis.
Hinuon, kon miuyon pa gyod si Osmena nga hatagan og insentibo ang mga polis, makaayo usab kini alang sa maong mga polis tungod kay makatapak man gayod kini sa ilang magasto samtang ania sila sa Sugbo. Apan dili usab nato masupak ang kaligdong sa mayor tungod kay nagsandig ang iyang argumento sa balido kaayong katarongan.
Tinuod man usab nga dili gayod mobligasyon sa dakbayan sa Sugbo ang paghatag og insentibo sa mga polis nga madestino sa maong dapit. Bisan asa pa sila madestino, magdawatan sila kanunay sa suweldo nga naggikan sa gobyerno. Busa walay obligasyon ang dakbayan sa Sugbo sa paghatag og insentibo kanila.
-o0o-
Makapahibulong kaayo kay kon mag-uwan gani, maghuot dayon ang trapiko sa dakbayan sa Sugbo nga unta dili man madugangan ang volume sa mga sakyanan nga mosubay sa kadalanan.
Kining suliran sa trapiko sayon ra gyod untang sulbaron kon dili pa lang papingispingisan sa atong mga opisyal ang paghatag niining kasulbaran. Ang problema kay wala man gayod mohimo ang kagamhanan og ultimatum nga sulbad niining maong suliran.
Dili kay ang dakbayan sa Sugbo ray makasinati og kahuot sa trapiko kon mag-uwan. Lakip pod ang Talisay City, Mandaue City, Lapulapu City, Consolacion, Liloan ug uban pa. Angayan sulbaron kining maong suliran kay hasol kaayo kini sa mga biyahedor.
-o0o-
Adunay tapsilogan diha sa Humayhumay Road sa Lapulapu City nga gireklamo tungod kay masuko (kuno) ang tagdumala niini kon mangayo og resibo ang mga kustomer. Tulibagbag kaayo kining pamation.
Ang mas tulibagbag mao ang giingon sa atong texter nga adunay mga babayeng mugbog lupad diha sa maong tapsilogan. Maayong masusi kini sa nahingtungdang ahensiya sa atong kagamhanan aron masuta kon unsa kini ka tinuod.
No comments:
Post a Comment