MAGNET UG GENERATOR
ANG gitukod nga Cebu International Convention Center (CICC) sa Mandaue City maoy magsilbing "magnet" ug "generator" aron labing madani ang mga investor pagtukod og dagkong mga establisamento sa palibot niini.
Gibutyag ni Konsehal Carlo Fortuna nga karon pa lang gani nga gisugdan pa sa pagtukod ang maong proyekto nagsugod na usab ang pagsaka sa presyo sa mga luna sa yuta nga kasikbit sa gitarokan sa CICC.
Midugang si Fortuna nga ang CICC dakong garbo alang sa mga molupyo sa Mandaue tungod kay nagpakita man kini nga ang dakbayan sa Mandaue dili na mapiri sa ubang mga sikat nga lugar sa kalibotan.
Husto si Fortuna. Pinaagi unya niining CICC, seguradong mosamot kapopular ang Cebu partikular na ang Mandaue City tungod kay usa man kini sa mahimong venue sa ASEAN Summit busa dili gayod malalis nga mapopular dayon kini sa tibuok kalibotan.
Pero gikabalak-an lagi kon mahuman ba ang maong proyekto nga hangtod karon sa akong pagsulat niini, mga haligi pa man ang napabarog. Ug kon atong iphon sa atong tudlo, pipila na lang ka bulan ug moabot na ang gitakda nga summit nga anhi himoon sa Cebu.
Mao nga manghianot kita nga mahuman sa pagtukod ang CICC segun sa gitakdang panahon sa pagtapos niini. Sa laing bahin, kon mopalpak ang maong proyekto, usa kini ka dakong kauwawan sa Sugbo.
-o0o-
Daghan kaayong kabalayan ang gibanlas sa dagkong mga balod nga milampurnas sa Dumlog ug Tangke, mga barangay nga sakop sa Talisay City. Dako kaayo ang kadaot nga namugna sa maong dagkong mga balod tungod kay kapid-an ka mga pamilya ang nawad-an sa ilang mga panimalay.
Maoy gibasol sa daghang mga molupyo sa maong dapit ang pagkatukod sa South Reclamation Project (SRP) sa Cebu City. Maoy ilang pagtuo nga tungod kay natabonan na man sa yuta ang dakong luna sa kadagatan nga maoy gilanakan sa SRP, mao kiniy hinungdan nga ang mga balod sa dagat modako ug adto na mohapak sa ilang lugar.
Apan wala hatagig bili sa PAGASA ang maong teyoriya tungod kay dili kuno kini kabasehan. Ang labing lig-ong hinungdan sa pagdagko sa mga balod nga nakadaot sa kabalayan sa Dumlog ug Tangke mao ang pagdako sa taob sa dagat ug ang kakusog sa hanging habagat.
Mao usab kini ang akong gituohan. Pero dili sab nato mabasol ang mga Talisaynon kon maoy tumbokon nilang hinungdan sa kadaot nga ilang nasinati ang katukoran sa SRP. Karon pa man god kini nahitabo sa ilang dapit. Labaw sa tanan, mas nasuheto sila sa kahimtang sa ilang lugar labaw ni bisan kinsa.
ANG gitukod nga Cebu International Convention Center (CICC) sa Mandaue City maoy magsilbing "magnet" ug "generator" aron labing madani ang mga investor pagtukod og dagkong mga establisamento sa palibot niini.
Gibutyag ni Konsehal Carlo Fortuna nga karon pa lang gani nga gisugdan pa sa pagtukod ang maong proyekto nagsugod na usab ang pagsaka sa presyo sa mga luna sa yuta nga kasikbit sa gitarokan sa CICC.
Midugang si Fortuna nga ang CICC dakong garbo alang sa mga molupyo sa Mandaue tungod kay nagpakita man kini nga ang dakbayan sa Mandaue dili na mapiri sa ubang mga sikat nga lugar sa kalibotan.
Husto si Fortuna. Pinaagi unya niining CICC, seguradong mosamot kapopular ang Cebu partikular na ang Mandaue City tungod kay usa man kini sa mahimong venue sa ASEAN Summit busa dili gayod malalis nga mapopular dayon kini sa tibuok kalibotan.
Pero gikabalak-an lagi kon mahuman ba ang maong proyekto nga hangtod karon sa akong pagsulat niini, mga haligi pa man ang napabarog. Ug kon atong iphon sa atong tudlo, pipila na lang ka bulan ug moabot na ang gitakda nga summit nga anhi himoon sa Cebu.
Mao nga manghianot kita nga mahuman sa pagtukod ang CICC segun sa gitakdang panahon sa pagtapos niini. Sa laing bahin, kon mopalpak ang maong proyekto, usa kini ka dakong kauwawan sa Sugbo.
-o0o-
Daghan kaayong kabalayan ang gibanlas sa dagkong mga balod nga milampurnas sa Dumlog ug Tangke, mga barangay nga sakop sa Talisay City. Dako kaayo ang kadaot nga namugna sa maong dagkong mga balod tungod kay kapid-an ka mga pamilya ang nawad-an sa ilang mga panimalay.
Maoy gibasol sa daghang mga molupyo sa maong dapit ang pagkatukod sa South Reclamation Project (SRP) sa Cebu City. Maoy ilang pagtuo nga tungod kay natabonan na man sa yuta ang dakong luna sa kadagatan nga maoy gilanakan sa SRP, mao kiniy hinungdan nga ang mga balod sa dagat modako ug adto na mohapak sa ilang lugar.
Apan wala hatagig bili sa PAGASA ang maong teyoriya tungod kay dili kuno kini kabasehan. Ang labing lig-ong hinungdan sa pagdagko sa mga balod nga nakadaot sa kabalayan sa Dumlog ug Tangke mao ang pagdako sa taob sa dagat ug ang kakusog sa hanging habagat.
Mao usab kini ang akong gituohan. Pero dili sab nato mabasol ang mga Talisaynon kon maoy tumbokon nilang hinungdan sa kadaot nga ilang nasinati ang katukoran sa SRP. Karon pa man god kini nahitabo sa ilang dapit. Labaw sa tanan, mas nasuheto sila sa kahimtang sa ilang lugar labaw ni bisan kinsa.
No comments:
Post a Comment