ANG BIN
SA pagsulat niini, ang mga sakop na gyod sa BIN kun Barangay Intelligence Network ang pormal nga mi-take over sa mga puwesto nga giokupar sa mga security guard sa Cebu City Hall.
Apan nunot niining maong kalamboan, giklaro hinuon ni Mayor Tomas Osmena nga mga volunteer lang ang mga sakop sa BIN nga madestino sa City Hall ug hatagan lang sila og allowance nga P1,000 matag bulan nga abagahon sa City Hall.
Gidugang sa pagpatin-aw ni Osmena nga kon mabuksan na unya ang mga establisamento sama sa mga hotel ug restaurant diha sa South Reclamation Project (SRP), iyang gipasalig nga irekomendar nga pasudlon og trabaho ang mga sakop sa BIN bisan lang og waiter basta makatrabaho.
Nindot kaayo kining maong plano sa mayor. Pero morag dugay pa kini kay hangtod karon morag wala pa gayod maglihok ang SRP. Nagpabilin pa kining dili produktibo mao nga dugay pang paabot sa mga sakop sa BIN sa rekomendasyon ni Osmena.
Kabahin hinuon sa mga sakop sa BIN nga gidestino sa city hall, dili ko supak niana kon kana maoy labing maayong paagi aron makadaginot ang dakbayan sa mga suweldohanan. Ang P1,000 nga allowance bastante na kaayo kon allowance lang maoy hisgotan.
Pero mga pamilyado man god kining mga tawhana. Nakaseguro ko nga ang kadaghanan kanila dili gayod makontento sa P1,000 lang nga allowance mao nga aduna akoy reserbasyon nga kabalaka kalabot niining maong lakang.
Ang akong gikabalak-an mao nga basin og makahunahuna ang mga sakop sa BIN sa pag-apil sa illegal nga mga palusot (kon aduna man ugaling) diha sa city hall aron madugangan ang ilang kita. Mao nga para kanako, maayo sab nga may sangonan sa pag-monitor sa mga sakop sa BIN nga nadestino sa city hall kon wala ba kanilay misalga sa tinonto.
Sa pagkakaron nga bag-o pa silang nadestino diha, morag dili pa kini mahitabo. Pero kon masuheto na unya sila sa mga pasikot-sikot sa city hall, hayan anha na mosugod og gimok ang kabuang sa pipila nga matental sa paghimo og tinonto. Mao nga maayong bantayan kini samtang sayo pa.
-o0o-
Ang Dagang Foundation, Inc. (DFI), kapunongan sa mga magsusulat nga naggamit sa pinulongang Binisaya sa Sugbo, sa makausa pa, magpasiugda na usab og tigi sa sinulatay nga puydeng kaapilan sa atong mga magsusulat sa Binisaya.
Dagko nga mga premyo ang gitagana alang sa palarang mga mananaog sa bangga sa sinulatay. Tulo ka kategoriya ang ilusad nga tigi ug ato lang unyang ipahibalo dinhi ang mga criteria sa umaabot nga mga adlaw.
Aktibo kaayo ang DFI bahin sa pagpalambo sa literaturang Binisaya. Kini ang labing aktibo karon nga pundok sa mga magsusulat sa Sugbo nga regular gayod nga magpahigayon og tigi sa sinulatay.
SA pagsulat niini, ang mga sakop na gyod sa BIN kun Barangay Intelligence Network ang pormal nga mi-take over sa mga puwesto nga giokupar sa mga security guard sa Cebu City Hall.
Apan nunot niining maong kalamboan, giklaro hinuon ni Mayor Tomas Osmena nga mga volunteer lang ang mga sakop sa BIN nga madestino sa City Hall ug hatagan lang sila og allowance nga P1,000 matag bulan nga abagahon sa City Hall.
Gidugang sa pagpatin-aw ni Osmena nga kon mabuksan na unya ang mga establisamento sama sa mga hotel ug restaurant diha sa South Reclamation Project (SRP), iyang gipasalig nga irekomendar nga pasudlon og trabaho ang mga sakop sa BIN bisan lang og waiter basta makatrabaho.
Nindot kaayo kining maong plano sa mayor. Pero morag dugay pa kini kay hangtod karon morag wala pa gayod maglihok ang SRP. Nagpabilin pa kining dili produktibo mao nga dugay pang paabot sa mga sakop sa BIN sa rekomendasyon ni Osmena.
Kabahin hinuon sa mga sakop sa BIN nga gidestino sa city hall, dili ko supak niana kon kana maoy labing maayong paagi aron makadaginot ang dakbayan sa mga suweldohanan. Ang P1,000 nga allowance bastante na kaayo kon allowance lang maoy hisgotan.
Pero mga pamilyado man god kining mga tawhana. Nakaseguro ko nga ang kadaghanan kanila dili gayod makontento sa P1,000 lang nga allowance mao nga aduna akoy reserbasyon nga kabalaka kalabot niining maong lakang.
Ang akong gikabalak-an mao nga basin og makahunahuna ang mga sakop sa BIN sa pag-apil sa illegal nga mga palusot (kon aduna man ugaling) diha sa city hall aron madugangan ang ilang kita. Mao nga para kanako, maayo sab nga may sangonan sa pag-monitor sa mga sakop sa BIN nga nadestino sa city hall kon wala ba kanilay misalga sa tinonto.
Sa pagkakaron nga bag-o pa silang nadestino diha, morag dili pa kini mahitabo. Pero kon masuheto na unya sila sa mga pasikot-sikot sa city hall, hayan anha na mosugod og gimok ang kabuang sa pipila nga matental sa paghimo og tinonto. Mao nga maayong bantayan kini samtang sayo pa.
-o0o-
Ang Dagang Foundation, Inc. (DFI), kapunongan sa mga magsusulat nga naggamit sa pinulongang Binisaya sa Sugbo, sa makausa pa, magpasiugda na usab og tigi sa sinulatay nga puydeng kaapilan sa atong mga magsusulat sa Binisaya.
Dagko nga mga premyo ang gitagana alang sa palarang mga mananaog sa bangga sa sinulatay. Tulo ka kategoriya ang ilusad nga tigi ug ato lang unyang ipahibalo dinhi ang mga criteria sa umaabot nga mga adlaw.
Aktibo kaayo ang DFI bahin sa pagpalambo sa literaturang Binisaya. Kini ang labing aktibo karon nga pundok sa mga magsusulat sa Sugbo nga regular gayod nga magpahigayon og tigi sa sinulatay.
No comments:
Post a Comment