2,050 STALKS SA MARIJUANA
MIKABAT sa 2,050 ka mga stalks sa tanom nga marijuana ang gipangibot sa mga sakop sa 78th Infantry Battallion sa Philippine Army dili pa lang dugay didto sa Danasan, usa ka bukirang bahin sa Danao City, Cebu.
Sumala sa report nga nakutlo gikan ni Sgt. Roberto Villaber, ang team leader sa 78th IB, kuyog nila ang mga sakop sa CAFGU sa ilang pagpatrolya sa maong dapit diin ilang nasigpatan ang mga tinanom nga mga marijuana. Gipangibot nila ang maong mga tanom aron dili kini ikapayuhot kon maani na.
Husto ang gihimo sa mga sakop sa 78th IB. Maayo gani kay nakaplagan nila ang plantasyon sa maong mga marijuana kay kon naani pa kadto sa tag-iya, seguradong daghan na usab ang maadik nga makagamit sa maong tanom.
Pero sa akong pagsulat niini, wala pa ko makabalita kon nailhan na ba ang responsable sa pagtanom sa maong mga marijuana. Hinuon, maarang-arang na lang og diyotay kay ang maong mga tanom dili na man kapahimuslan kay naibot na man.
Kining daghang marijuana plantation sa nagkadaiyang dapit sa lalawigan sa Cebu ingon sa daghan pa gayod kaayo. Partikular nga gipangtamnan mao ang bukiran nga mga dapit sa lungsod sa Balamban ug sa dakbayan sa Danao.
Sa akong pangagpas, lisod pang sumpoon sa hingpit kining pagpananom og marijuana tungod kay nagtuo ko nga aduna pay daghang mga plantasyon nga wala matultoli sa atong mga awtoridad.
-o0o-
Adunay kadalanan sa Mandaue City nga mahimong dagat kon mobundak ang kusog kaayong ulan. Molunop ang maong dapit hinungdan nga mabara ang trapiko ug malangan ang biyahe sa daghang mga motorista.
Sumala sa pakisusi nga gihimo, ang usa sa matumbok nga hinungdan sa paglunop sa kadalanan sa Mandaue City mao ang barado nga mga kanal ug kakulang sa mga drainage nga kaagian sa tubig.
Hinaot unta nga masulbad kini sa mga opisyal sa dakbayan sa Mandaue nga gipangulohan ni Mayor Thadeo Ouano. Nasayod kita nga daghan silag giatiman apan mas maayo tingali nga iapil nila sa ilang prayoridad ang pagsulbad sa suliran sa baha sa kadalanan sa dakbayan.
Purhisyo man god kining baha. Nasayod kong dili makapabarog og dagkong billboards ang atong mga opisyal kon maoy pasiugdahan nilang proyekto ang bahin sa drainage system. Pero mas importante ang interes sa katawhan kay sa pagpaburot sa kaugalingong garbo.
Mao nga manghinaot ko nga masulbad na ang lunop sa pipila ka dagkong kadalanan sa dakbayan sa Mandaue. Mosamot pa ra ba ang ting-uwan kon paingon na sa Pasko, basin mas labaw pa unya nga mapurhisyo ang mga molupyo sa Mandaue ug ang mga motorista kon pabiling dili masulbad kining problema.
MIKABAT sa 2,050 ka mga stalks sa tanom nga marijuana ang gipangibot sa mga sakop sa 78th Infantry Battallion sa Philippine Army dili pa lang dugay didto sa Danasan, usa ka bukirang bahin sa Danao City, Cebu.
Sumala sa report nga nakutlo gikan ni Sgt. Roberto Villaber, ang team leader sa 78th IB, kuyog nila ang mga sakop sa CAFGU sa ilang pagpatrolya sa maong dapit diin ilang nasigpatan ang mga tinanom nga mga marijuana. Gipangibot nila ang maong mga tanom aron dili kini ikapayuhot kon maani na.
Husto ang gihimo sa mga sakop sa 78th IB. Maayo gani kay nakaplagan nila ang plantasyon sa maong mga marijuana kay kon naani pa kadto sa tag-iya, seguradong daghan na usab ang maadik nga makagamit sa maong tanom.
Pero sa akong pagsulat niini, wala pa ko makabalita kon nailhan na ba ang responsable sa pagtanom sa maong mga marijuana. Hinuon, maarang-arang na lang og diyotay kay ang maong mga tanom dili na man kapahimuslan kay naibot na man.
Kining daghang marijuana plantation sa nagkadaiyang dapit sa lalawigan sa Cebu ingon sa daghan pa gayod kaayo. Partikular nga gipangtamnan mao ang bukiran nga mga dapit sa lungsod sa Balamban ug sa dakbayan sa Danao.
Sa akong pangagpas, lisod pang sumpoon sa hingpit kining pagpananom og marijuana tungod kay nagtuo ko nga aduna pay daghang mga plantasyon nga wala matultoli sa atong mga awtoridad.
-o0o-
Adunay kadalanan sa Mandaue City nga mahimong dagat kon mobundak ang kusog kaayong ulan. Molunop ang maong dapit hinungdan nga mabara ang trapiko ug malangan ang biyahe sa daghang mga motorista.
Sumala sa pakisusi nga gihimo, ang usa sa matumbok nga hinungdan sa paglunop sa kadalanan sa Mandaue City mao ang barado nga mga kanal ug kakulang sa mga drainage nga kaagian sa tubig.
Hinaot unta nga masulbad kini sa mga opisyal sa dakbayan sa Mandaue nga gipangulohan ni Mayor Thadeo Ouano. Nasayod kita nga daghan silag giatiman apan mas maayo tingali nga iapil nila sa ilang prayoridad ang pagsulbad sa suliran sa baha sa kadalanan sa dakbayan.
Purhisyo man god kining baha. Nasayod kong dili makapabarog og dagkong billboards ang atong mga opisyal kon maoy pasiugdahan nilang proyekto ang bahin sa drainage system. Pero mas importante ang interes sa katawhan kay sa pagpaburot sa kaugalingong garbo.
Mao nga manghinaot ko nga masulbad na ang lunop sa pipila ka dagkong kadalanan sa dakbayan sa Mandaue. Mosamot pa ra ba ang ting-uwan kon paingon na sa Pasko, basin mas labaw pa unya nga mapurhisyo ang mga molupyo sa Mandaue ug ang mga motorista kon pabiling dili masulbad kining problema.
No comments:
Post a Comment