DAVAO CITY - Para mahatagan ug nindot nga kaugmaon ang mga Kabus, residente sa Mindanao ug mga Overseas Filipino Workers (OFW) gimugna sa grupong OFW ang Partylist nga Kabuhayan at Kaunlaran Laban sa Kahirapan (KALAHI).
Gimugna sa nga OFW sa lain-laing parte sa kalibutan ang Kalahi kay ang grupo nagtuo nga makab-ot nato ang kalambuan pinaagi sa panaghiusa ug pagtinabangay natong mga Pilipino.
Asa ka man dapit sa kalibutan, Bisaya man o Tagalog, Ilonggo o Ilokano, Bol-anon o Bikolano, Kapampangan o Chabakano, Kristiyano o Muslim -- pareho lang kitang tanan puros mga Pilipino; pareho lang ug "kaliwat o kalahi".
Kinsa pa bay laing motabang natong mga Pilipino, kun dili ang ato ra gihapong "kalahi" nga mga Pilipino.
Kung buligan ug suwerte sa umaabot nga eleksiyon karong Mayo 14,2007, maningkamot ang mga sectoral representatives sa Kalahi nga mopasar ug balaod nga maghatag og proteksiyon ug tabang sa mokabat nga 10 milyong OFW sa tibuok kalibutan.
Gawas sa mga balaod nga magprotektar og maghatag og tabang sa mga OFW maghan-ay sad ug daghang mga proyekto ang partylist nga Kalahi nga mohatag ug benepisyo sa mga Pilipino labi na sa taga Mindanao.
Ang mga planong proyekto sa Kalahi mao ang libreng scholarship sa Kolehiyo dili lamang mga OFW kung dili apil sad ang mga estudyanteng Kabus sa lain laing parte sa Pilipinas labi na sa Mindanao.
Maghatag usab og libreng Techinical ug Vocational training ang Kalahi gamit ang ilahang countryside development fund o pork barrel para hatagan ug tsansa ang mga kabus nga makaeskuwela ug makaabroad.
Maglunsad sad ug livehood training ug seminar sa mga barangays sa Luzon, Visayas ug Mindanao aron hatagan ug kinabuhian ang mga walay trabaho.
Magpahulam sad ug salapi ang Kalahi pinaagi sa microfinancing sa mga ginagmay nga mga negosyante nga dili makakaya sa taas nga interst nga ipahulam sa mga bangko ug nagpa 5/6.
Sa hawanan sa Kongreso idoso sa grupo ang pagmugna ug Legal Attache Office sa tanang nasod nga adunay Pilipinong trabahante.
Ang Legal Attache Office maoy adtoan sa mga OFW nga nanginahanglan ug tabang nga legal, pinasyal og moral.
Pinaagi sa balaod nga ilahang idoso, pagasilotan sad ang opisyal sa gobyerno nga wala naghatag ug pagtagad sa problema sa mga OFW.
Hatagan sad ug silot sa Kalahi ang mga tao nga malambigit sa "trafficking of women and children" ug illegal recruitment.
Pasayunon sad sa Kalahi ang requirements sa gustong magabroad.
Hatagan sad ug financial assisstance ug credit relief ang mga OFW atol sa gitawag nga pre-employment.
Insurance program para sa mga OFW ug sa ilang pamilya. Programa ug pension fund alang sa mga retiradong OFW.
Aron dili mahurot ang mga trabahante sa Pilipinas magmugna sad ug balaod ang Kalahi nga modani sa mga OFW nga mobalik sa Pilipinas ug diri na manginabuhi.
Nanghangyo ang Partylist nga Kalahi sa tanang OFW, kabus ug residente sa Mindanao nga suportahan sila sa eleksiyon kay ang ilahang kausa ug programa gimugna alang sa kalambuan sa tanang Pilipino.
Karon na ang tamang panahon nga hatagan nato ug representante ang mga OFW sa hawanan sa Kongreso aron mabati nato ang ilahang tingog nga wala dyud nahitabo sukad gimugna ang partylist election.
KALAHI PARTYLIST IBUTANG sa balota, taga Mindanao Kini.
No comments:
Post a Comment