Saksi sa Maguindanao Massacre lumutang, itinurong utak si Ampatuan Jr., ayon sa Al-Jazeera TV

MAGUINDANAO (Mindanao Examiner / November 26, 2009) – Isa umanong saksi sa malagim na pagpatay sa 57 katao sa Maguindanao ang lumabas matapos na makunsenya sa tinaguriang Maguindanao Massacre.

Sa ekslusibong panayam ng Al-Jazeera TV ay isinalaysay ng saksi kung paanong pinatay ng walang awa ang mga journalists at pag-rape sa lahat ng babaeng kasama sa mahigit na 60 katao sa election convoy nuong nakaraang Lunes sa bayan ng Shariff Aguak sa Maguindanao province.

Ang mga journalists ay sumama sa grupo ng asawa at kapatid at supporters ni Buluan Vice Mayor Esmael Mangudadatu upang maghain ng certificate of candidacy nito sa kanyang pagtakbo sa pagka-gobernador sa Maguindanao laban kay Datu Unsay Mayor Andal Ampatuan Jr., na anak ng kasalukuyang gobernador at kapatid ni Zaldy Ampatuan, ang gobernador ng Autonomous Region in Muslim Mindanao.

Sinabi ni Boy, hindi tunay niyang pangalan, na mismong si Andal Ampatuan Jr. ang diumano’y nag-utos na patayin lahat ang nasa convoy, pati na rin ang mga journalists upang itago ang krimen.

Sa ulat ni Marga Ortigas ng Al-Jazeera TV ay sinabi umano ni Boy na kasama siya sa mahigit 100 armadong tagasunod ni Ampatuan at nakita kung paanong pinatay at hinalay ang mga babae, kasama na ang asawa ni Mangudadatu, kapatid at hipag, at gayun rin ang mga babaeng journalists.

Nasa Maguindanao ang crew ni Ortigas at sa kanyang ulat ay inamin diumano ni Boy na si Andal Ampatuan Jr. ang nagbigay ng order na patayin at walang ititirang buhay sa grupo ng mga Mangudadatu.

“Datu Andal himself said, he said to us: anyone from the Mangudadatu clan - women or children - should be killed... We don't ask why, we just followed orders," ani ng Al-Jazeera sa website nitong: http://english.aljazeera.net/news/asia-pacific/2009/11/2009112654959580381.html

Sa mahigit na 60 mga pinatay ay tinatayang 34 ang mga journalists, dalawang human rights lawyers at kapamilya at supporters ni Mangudadatu.

Nagtatago na rin umano si Boy dahil sa takot na mapatay dahil sa kanyang nalalaman.

“Boy, who is now in hiding fearing his life is in danger, said all of the women in the group had been raped before being killed. Their bodies were then dumped in mass graves that had already been dug out in advance using an excavator.”

“He said that Ampatuan Jr had also ordered that the reporters accompanying the convoy should also be killed to cover-up what had happened. That too was ordered by Datu Andal… because they didn't want any evidence left behind,” ani ng ulat.

Sinabi pa ni Boy na nagtagal ng mahigit sa isang oras ang massacre at hindi nailibing ang lahat ng mga bangkay dahil may nagsumbong umano sa kanila na may paparating ng sundalo ng militar sa kanilang lugar kung kaya’t naiwan doon sa bayan ng Ampatuan, na kung saan pinatay ang grupo, ang backhoe na ginamit sa paglilibing ng ibang mga katawan at tatlong sasakyan.



“Boy said the whole process had lasted little more than an hour before the gunmen had to abruptly abandon the scene following a warning that members of the military were nearby. We didn't get to finish, which is why the excavator was left there, he said.”

“Someone called and said soldiers were on their way. I feel they have connections among the soldiers,” ayon pa kay Boy sa ulat ng Al-Jazeera.

“Speaking with his face covered to his identity, Boy said he was supposed to have been an active participant in the massacre but did not actually kill any of the victims. He said he would have been shot if he had tried to intervene. I was just standing there. I was all alone… I could only leave it up to my conscience," pangwakas pa ng saksi.

Hindi naman agad makumpirma ang ulat ng international TV network at walang opisyal na gustong magbigay ng pahayag ukol dito. Hindi rin agad makunan ng pahayag ang Ampatuan clan, ngunit kahapon ay sumuko na rin si Andal Ampatuan Jr. at dinala ito sa Maynila na kung saan ay sinampahan diumano ito ng multiple murder charges. (Mindanao Examiner)