Palasyo nalipay pagkatanggal sa listahan sa tiglihay sa buhis

Maynila - Nalipay ang Malacañang sa pagtanggal sa Organization for Economic Co-operation and Development kon OECD sa Pilipinas sa listahan sa mga tiglihay sa buhis.

Si Executive Secretary Eduardo Ermita nagtoo nga ang pagpasa sa Anti-Money Laundering Act maoy nakitang rason sa OECD sa pagtanggal sa Pilipinas sa blacklist.

Ang Palasyo nagtoo nga nakumbinsir ang OECD sa sinsiridad sa Pilipinas sa pagprotiher sa banking system sa nasud gikan sa mga tax evaders ug mga money launderers.

Ang Department of Finance kon DOF nakiglambigit na sa Kongreso sa giduso nga mga kausaban kabahin sa Bank Secrecy Law kon Republic Act No. 1405 isip kabahin sa pagsunod sa mga reglamento sa OECD.

Natanggal usab sa blacklist ang Pilipinas tungod sa pagsunod niini sa international tax reporting standard.

Gawas pa sa Pilipinas, natanggal usab sa blacklist ang mga nasud sa Costa Rica, Malaysia ug Uruguay. (Lanie Tupaz)

Basilan naguba tungod sa kidnapping

BASILAN, Philippines (Mindanao Examiner / Nov. 26, 2008) - Ang isyu sa kidnapping sa Basilan gihimo na kining usa ka negosyo ug panginabuhi sa mga sindikato ug pipila sa mga tag-as nga tao nga na-a sa poder, matud pa sa pipila ka mga sektor sa probinsiya.

Matud pa sa mga sektor, sumala sa interbiyo sa Mindanao Examiner ang pagkidnap sa mga inila o inosinte nga sibilyan mao ang pagpundo ug daghang kuarta para sa 2010 presidensiyal eleksiyon ug pagpalit ug mga armas para sa para sa pagpadayon sa ilang dautan nga buhat.

Ang kritikal nga situwasyon sa Basilan sama sa kidnapping ug pagpatay pinaagi sa pag-ambus matud pa sa Bishop sa probinsiya, Bishop Martin Jumoad usa na kini ka sakit nga kanser nga kong dili ma-agapan mamahimong pa-ingon sa dayon nga kadautan.

Ang pag-kidnap sa workers sa NAGDILAAB Foundation ug TABANG Mindanao, usa ka NGO nga nagtabang sa mga pobre aron mahatagan ug maayong panginabuhi pinaagi sa pag-edocar o pag-bansay-bansay sa teknikal skills ug liblihod sa agrikultura ug fishery gi-kidnap sa Tipo-Tipo sa mga bandido para ipalukat ug minilyon, ang pag-ambus sa pare ug director sa Claret College of Isabela ug sa iyang mga eskort ug ang pagpatay sa usa ka kanhi Konsehal sa Isabela, Bonnie Bonifacio diin ang iyang motorcycle gikarnap ug uban pang mga dautan nga panghitabo sa Basilan, matud pa sa Obispo ginakondenar sa katawhan sa Basilan kay kini usa ka dautan nga buhat kontra sa balaod sa Dios ug sa atong balaod sa gobiyerno.

Ang Obispo usab nanawagan sa mga autoridad nga bantayan maayo ang Basilan aron ang kalinaw makap-ut ug ang mga tawo dili na mahadlok ug sila magmalinawon sa pagpangita sa ilang panginabuhi-an. (Rex Montebon)

Panaghiusa Ug Kalambuan Sa Pilipinas Ihatud Sa Kalahi Party List

Matud ni Kalahi party list second nominee Atty. Karlo Nograles ang panaghiusa sa mga Pilipino pinaagi sa mga nindot proyekto sa barangays sa Pilipinas ang tinguhaon sa ilahang grupo.

DAVAO CITY - Ang panaghiusa sa mga Pilipino ug ang paghatag ug kalambuan sa mga barangays sa Pilipinas ang duha sa mga proyektong pagahimuon sa Kalahi partylist kung kini magmadaugon sa umaabot nga Mayo 14 nga eleksiyon.

Matud sa abogado sa Kalahi nga si Atty. Karlo Nograles ang ilahang grupo dili lamang nakasentro sa pagmugna ug balaod para proteksiyunan ug hatagan ug maayong kinabuh ang mga Overseas Filipino Workers (OFW) kung dili ihiusa ang tinubok nasud pina-agi sa pagmugna ug proyekto nga makatabang sa mga residente sa tulo ka dakung isla sa Pilipinas ang Luzon, Visayas ug Mindanao.

"Bisaya, Muslim o Ilokano ka man ang Kalahi para natong tanan," sulti ni Nograles.

Aron ipakita ang pagkasensero sa Kalahi sa nga hatagan ug kalinaw ug kalambuan ang atong gimahal nga Pilipinas ang tulo ka mga nominado niini gagikan dyud sa Luzon, Visayas ug Mindanao.

Para hatagan ug kalambuan ang isla sa Luzon naghugpong ang mga miyembro ug opisyales sa Kalahi para pilion si Poe Gratela, isip unang nominado sa grupo.

Si Gratela kanhing opisyal sa militanteng grupo nga Migrante nga niresign sa grupo para mugnaon ang Kalahi partylist niadtong tuig 2005.

Gimugna ni Gratela ang Kalahi para mahatagan ug proteksiyon ug maayong kinabuhi ang mga OFWs nga wala nahatag sa iyahang kanhi nga grupong Migrante.

Ikaduhang nominado sa Kalahi nga nagarepresentar sa Mindanao si Nograles.

Ang anak ni House majority floorleader Prospero Nograles ang magdala sa tingog dili lamang sa mga OFWs kung dili pati nasad sa mga taga Mindanao kay siya usa man ka Minadanawan nga gianak sa Davao City.

Gidawat ni Nograles ang hagit nga mamahimong ikaduhang nominee sa Kalahi dili lamang para magmugna ug balaod nga magprotektar og promotar sa OFWs kung dili para hatagan sad ug mga nindot nga proyekto ang mga taga Mindanao.

Gibutyag ni Nograles nga kulang dyud ug mga proyekto ang mga barangays sa Mindanao kay kulang man sad ang mga kongresista ug senador nga gikan sa Mindanao.

"Botohi ninyo ang Kalahi para madungagan sad nato ang mga kongresistang gikan sa Mindanao," hangyo ni Nograles.

Gipromisar ni Nograles nga kung mahatagan siya ug higayon nga makasulod sa Kongreso isip ikaduhang representante sa Kalahi iyahang gamiton ang countrywide development fund (CDF) o pork barrel niya para sa magmugna ug maayong mga proyekto para sa taga Mindanao.

Ilan sa mga proyektong pagahimuon sa Kalahi mao ang libreng edukasyon ug scholarships sa mga kabus, ang pagpatukod ug mga schoo buildings sa mga kabus nga barangays sa Mindanao ug ang paglunsad ug livelihood ug skills seminar para sa mga walay trabaho.

"Magpahulam sad ug kuwarta ang Kalahi sa mga gagmay nga mga negosyante aron naa silay ikapital sa ilahang negosyo," matud ni Nograles.

Para sa mga taga Visayas si Luisito Clavano ang ikatulong nominado sa Kalahi nga gikan sa Cebu.
Gisulti ni Nograles nga sama nila ni Gratela pagahimuon sad ni Clavano ang tanan niyang takus para hatagan ug maayong kinabuhi ang nga barangays sa Visayas.

Para siguradohong mahatagan ug kalambuan ang mga taga Luzon, Visayas ug Mindanao gihangyo ni Nograles ang mga Pilipino nga maghugpong ug ibutar ang Kalahi kay ang ilahang partylist ang partilist natong tanang Pilipino.

"Kalahi ang partylist natong tanang labi natang mga taga Mindanao atong ipakita ang atong tingog sa tibuok nasud pinaagi sa pagbutar sa Kalahi," hangyo ni Nograles.

"Kini nga ang tukamang higayon nga hatagan nato ang mga OFWs ug kabus sa Pilipinas ug tingog sa Kongreso," dungag ni Nograles. (Romy Bwaga)