PAGDAPIT SA MGA TURISTA
CEBU CITY (Uriel Cruz Vallecera / 11 May) MAO kini ang buena mano natong pagtuki dinhi sa atong lindog. Salamat sa Zamboanga Journal nga bukas kaayog kasingkasing nga iabi-abi niining ubos ninyong maglilindog.
Ang turismo usa sa labing kusog kaayong industriya sa atong nasod. Mao nga kinahanglang makakita gayod kitag dugang paagi nga mas makabig pa ang mga turista sa pagbisita sa atong nasod. Kinahanglan nga makakita kitag dugang makalingaw kanila.
Kini nahunahunaan ni Cebu City Mayor Tomas Osmena. Niining higayona, maoy iyang nakita nga may dakong potensiyal ang mga kabarangayan sa bukirang bahin sa dakbayan sa Sugbo. Kini aron mailhan usab ang bukirang mga barangay sa Sugbo mahitungod sa turismo.
Giawhag ni Osmena ang mga opisyal sa bukirang mga barangay sa dakbayan sa Sugbo nga moduso sa mahunahunaan nilang mga programa alang sa pagpahigayon og mga festival ning maong mga barangay atol unya sa pagpahigayon sa 12th ASEAN Summit unya sa bulan sa Disyembre.
Sakto gayod kaayo kining nahunahunaan ni Mayor Osmena. Kini makatabang pagdapit sa mga turista ug seguradong malingaw usab niini ang mga langyaw nga motambong sa summit.
Dugang niini, gisugyot ni Osmena nga mas maayo nga mag-cluster ang mga barangay sa bukid sa pagpahigayon niining maong kalihokan. Uyon gihapo ko niini aron sa ingon daghan ang magtambayayong ug seguradong magmalamposon gayod ang ipahigayon nga kalihokan.
Kining paghimog festival sa bukirang mga barangay sa Cebu usa ka sugyot nga angay suportahan. Pinaagi niini, mailhan usab sa mga bisita ang ubang mga dapit sa dakbayan sa Sugbo ug dili kay kutob ra sa downtown ug uptown sila magsuroy-suroy.
-o0o-
Naghisgot man kitag turismo, kinahanglang seguroon usab nato nga ang atong dapit luwas alang sa mga turista. Ang dakbayan sa Sugbo gihugpaan karon sa mga badlongon sa katilingban nga mahimong hulga sa mga turista.
Usa ka higala ang nag-text nako nga nag-ingon nga angay gayod hiposon kanang mga dispatser sa kadalanan sa Cebu City kay naghatag lang kana silag kasamok sa publiko. Tinuod bitaw. Kon akoy pabut-on, hiposon na gyod kanang mga dispatser nga mangdelehinsiya lang sa mga PUJ driver. Hasol kaayo kanang ilang gihimo. Masuko ra ba kon dili mohatag ang mga driver nila. Manghulga dayon.
Labihan gyod nga nakapasiaw ang mga dispatser karon sa Cebu City. Daghan nang mga driver ang mireklamo niining ilng tinonto. Kin tukion god pag-ayo, wala man kinahanglana sa mga driver ang ilang serbisyo kay ang mga pasaheo mosakay man bisan walay moalalay nga dispatser.
Sa akong obserbasyon, maoy angay unahon paghipos kanang dispatser diha sa atbang sa Metro Gaisano sa Colon ug kanang naa sa eskina sa dalan Manalili ug Osmena Blvd. Maayo pod nga mahipos kanang mga dispatser diha sa Jones, atbang sa Robinsons kay bagis kaayo kanang mga tawhana.
-o0o-
Tugoti nga akong hisgotan dinhi ang bahin sa sumbong gikan sa usa ka concern citizen nga gipadangat niya kanako pinaagi sa text message. Dili gayod kini nato undangan pagbatil hangtod nga mabungol ang mga hingtungdan niining maong reklamo.
Ang reklamo nagkanayon: "Rampant kaayo ang video karera diri sa Consolcaion, Cebu. Unsaon man nga kon dunay madakpan nga video karera ipalukat man sa mga polis kay amigo man nila ang operator ug usa ka taas nga opisyal sa lungsod." -- +63917 2498385
-o0o-
Alang nako, seryoso kining maong pasangil sa atong texter. Akong klarohon nga wala ako motuo niining maong taho per kay may nagpadangat man kanako niining maong kasayoran, wala usab ing katarongan nga ako kining isalindot.
Mas maayo nga himoan kinig pakisusi aron masuta kon unsa kini ka tinuod. Kay kon tinuod nga may mga polis diha sa Consolacion nga ipalukat lang sa tag-iya ang madakpan nilang video karera, tulibagbag kaayo kining pamation.
Labing maayo usab nga monitoron sa mga opisyal sa Consolacion kon unsa ka tinuod kining sumbong sa atong texter. Wala akoy nakitang anggulo nga magtumo-tumo lang og sulti ang atong texter.
Pero in fairness sab ngadto sa kapolisan sa Consolacion ug sa opisyal sa lungsod nga giingong amigo sa mga video karera operator, bukas kining maong lindog alang sa ilang pagpasabot sa ilang habig.
-o0o-
Makalagot kaayong hunahunaon! Hangtod karon padayon nga gireklamo kanang mga tawo mangilog og bagahe sa mga pasahero diha sa South Bus Terminal. Daghan na ang nagreklamo mahitungod niini tungod kay nakamugna og puwerhisyo ang maong mga badlongon ngadto sa mga pasahero.
Puwerhisyo man god. Imbes nga makatabang sila, magdugang na hinuon sa kahasol sa mga pasahero. Mga isog ra ba kuno kaayo, sumala pa sa mga pasahero nga misumbong kanako. Mga butangero og nawong, matod pa. Maayo unta nga mabadlong kining mga tawhana sa atong mga awtoridad.
Pitola kanang mga tawhana, uy! Luoy man god kaayo ang mga pasahero nga ilang makursonadahan. Ilogan nila kini sa bagahe ug ipasa-pasa. Diha man ganiy nag-text kanako nga ang iyang igsuon naospital kay giatake sa kasingkasing human ilogi sa usa ka badlongon sa iyang bagahe.
Duna say lain nga nawagtang gayod ang iyang bagahe nga giilog sa badlongon kay gikarga man kini ngadto sa bus nga dili maoy iyang sakyan. Milarga dayon ang bus nga nakargahan sa iyang bagahe maong wala niya kini makuha. Mao nga angay gayod pitolon ang mga badlongon sa katilingban diha sa South Bus Terminal. Imbes makatabang sila sa mga pasahero, kahasol na hinuon ang ilang gimugna. Dili gayod maayo ang ilang gihim. (Zamboanga Journal-Cebu)
CEBU CITY (Uriel Cruz Vallecera / 11 May) MAO kini ang buena mano natong pagtuki dinhi sa atong lindog. Salamat sa Zamboanga Journal nga bukas kaayog kasingkasing nga iabi-abi niining ubos ninyong maglilindog.
Ang turismo usa sa labing kusog kaayong industriya sa atong nasod. Mao nga kinahanglang makakita gayod kitag dugang paagi nga mas makabig pa ang mga turista sa pagbisita sa atong nasod. Kinahanglan nga makakita kitag dugang makalingaw kanila.
Kini nahunahunaan ni Cebu City Mayor Tomas Osmena. Niining higayona, maoy iyang nakita nga may dakong potensiyal ang mga kabarangayan sa bukirang bahin sa dakbayan sa Sugbo. Kini aron mailhan usab ang bukirang mga barangay sa Sugbo mahitungod sa turismo.
Giawhag ni Osmena ang mga opisyal sa bukirang mga barangay sa dakbayan sa Sugbo nga moduso sa mahunahunaan nilang mga programa alang sa pagpahigayon og mga festival ning maong mga barangay atol unya sa pagpahigayon sa 12th ASEAN Summit unya sa bulan sa Disyembre.
Sakto gayod kaayo kining nahunahunaan ni Mayor Osmena. Kini makatabang pagdapit sa mga turista ug seguradong malingaw usab niini ang mga langyaw nga motambong sa summit.
Dugang niini, gisugyot ni Osmena nga mas maayo nga mag-cluster ang mga barangay sa bukid sa pagpahigayon niining maong kalihokan. Uyon gihapo ko niini aron sa ingon daghan ang magtambayayong ug seguradong magmalamposon gayod ang ipahigayon nga kalihokan.
Kining paghimog festival sa bukirang mga barangay sa Cebu usa ka sugyot nga angay suportahan. Pinaagi niini, mailhan usab sa mga bisita ang ubang mga dapit sa dakbayan sa Sugbo ug dili kay kutob ra sa downtown ug uptown sila magsuroy-suroy.
-o0o-
Naghisgot man kitag turismo, kinahanglang seguroon usab nato nga ang atong dapit luwas alang sa mga turista. Ang dakbayan sa Sugbo gihugpaan karon sa mga badlongon sa katilingban nga mahimong hulga sa mga turista.
Usa ka higala ang nag-text nako nga nag-ingon nga angay gayod hiposon kanang mga dispatser sa kadalanan sa Cebu City kay naghatag lang kana silag kasamok sa publiko. Tinuod bitaw. Kon akoy pabut-on, hiposon na gyod kanang mga dispatser nga mangdelehinsiya lang sa mga PUJ driver. Hasol kaayo kanang ilang gihimo. Masuko ra ba kon dili mohatag ang mga driver nila. Manghulga dayon.
Labihan gyod nga nakapasiaw ang mga dispatser karon sa Cebu City. Daghan nang mga driver ang mireklamo niining ilng tinonto. Kin tukion god pag-ayo, wala man kinahanglana sa mga driver ang ilang serbisyo kay ang mga pasaheo mosakay man bisan walay moalalay nga dispatser.
Sa akong obserbasyon, maoy angay unahon paghipos kanang dispatser diha sa atbang sa Metro Gaisano sa Colon ug kanang naa sa eskina sa dalan Manalili ug Osmena Blvd. Maayo pod nga mahipos kanang mga dispatser diha sa Jones, atbang sa Robinsons kay bagis kaayo kanang mga tawhana.
-o0o-
Tugoti nga akong hisgotan dinhi ang bahin sa sumbong gikan sa usa ka concern citizen nga gipadangat niya kanako pinaagi sa text message. Dili gayod kini nato undangan pagbatil hangtod nga mabungol ang mga hingtungdan niining maong reklamo.
Ang reklamo nagkanayon: "Rampant kaayo ang video karera diri sa Consolcaion, Cebu. Unsaon man nga kon dunay madakpan nga video karera ipalukat man sa mga polis kay amigo man nila ang operator ug usa ka taas nga opisyal sa lungsod." -- +63917 2498385
-o0o-
Alang nako, seryoso kining maong pasangil sa atong texter. Akong klarohon nga wala ako motuo niining maong taho per kay may nagpadangat man kanako niining maong kasayoran, wala usab ing katarongan nga ako kining isalindot.
Mas maayo nga himoan kinig pakisusi aron masuta kon unsa kini ka tinuod. Kay kon tinuod nga may mga polis diha sa Consolacion nga ipalukat lang sa tag-iya ang madakpan nilang video karera, tulibagbag kaayo kining pamation.
Labing maayo usab nga monitoron sa mga opisyal sa Consolacion kon unsa ka tinuod kining sumbong sa atong texter. Wala akoy nakitang anggulo nga magtumo-tumo lang og sulti ang atong texter.
Pero in fairness sab ngadto sa kapolisan sa Consolacion ug sa opisyal sa lungsod nga giingong amigo sa mga video karera operator, bukas kining maong lindog alang sa ilang pagpasabot sa ilang habig.
-o0o-
Makalagot kaayong hunahunaon! Hangtod karon padayon nga gireklamo kanang mga tawo mangilog og bagahe sa mga pasahero diha sa South Bus Terminal. Daghan na ang nagreklamo mahitungod niini tungod kay nakamugna og puwerhisyo ang maong mga badlongon ngadto sa mga pasahero.
Puwerhisyo man god. Imbes nga makatabang sila, magdugang na hinuon sa kahasol sa mga pasahero. Mga isog ra ba kuno kaayo, sumala pa sa mga pasahero nga misumbong kanako. Mga butangero og nawong, matod pa. Maayo unta nga mabadlong kining mga tawhana sa atong mga awtoridad.
Pitola kanang mga tawhana, uy! Luoy man god kaayo ang mga pasahero nga ilang makursonadahan. Ilogan nila kini sa bagahe ug ipasa-pasa. Diha man ganiy nag-text kanako nga ang iyang igsuon naospital kay giatake sa kasingkasing human ilogi sa usa ka badlongon sa iyang bagahe.
Duna say lain nga nawagtang gayod ang iyang bagahe nga giilog sa badlongon kay gikarga man kini ngadto sa bus nga dili maoy iyang sakyan. Milarga dayon ang bus nga nakargahan sa iyang bagahe maong wala niya kini makuha. Mao nga angay gayod pitolon ang mga badlongon sa katilingban diha sa South Bus Terminal. Imbes makatabang sila sa mga pasahero, kahasol na hinuon ang ilang gimugna. Dili gayod maayo ang ilang gihim. (Zamboanga Journal-Cebu)
No comments:
Post a Comment