CEBU CITY (Mindanao Examiner / 06 Mar) – Nadakip ng pulisya ang umano’y tatlong lalaki na kilabot na tulak ng damo matapos ng isang operasyon sa Escalante City sa lalawigan ng Negros.
Sinabi ng pulisya kahapon na nasamsam rin ang mahigit sa apat na kilong libra ng marijuana mula kina Mark Estilloso, 20; Henry Villarin, 21; Rolex Villanueva, 21, rin sa isinagawang buy-bust operation sa Barangay Langub kamakalawa.
Matagal na umanong minamanmanan ng mga awtoridad ang tatlo dahil sa maraming reklamo mula sa mga magulang na talamak ang bentahan ng damo sa nasabing lugar.
Itinanggi naman ng tatlo ang akusasyon sa kanila kahit nahulihan na ng damo.Sasampahan umano ng kaso ng pulisya ang mga suspek dahil sa paglabag ng Republic Act 9165 o ang Comprehensive Dangerous Drug Act of 2002.
Nanawagan rin ang pulisya sa mga magulang na bantayan maiigi at gabayan ang kanilang mga abak upang hindi ito mawala sa mabuting landas. Nagbabala ang awtoridad sa nga nagtutulak ng damo at droga na sila’y mabubulok sa bilanguan kapag nahuli. (Mindanao Examiner)
No comments:
Post a Comment