AFP May Star Witness vs Satur Ocampo

QUEZON CITY (Mindanao Examiner / 20 Mar) – Hawak ngayon ng Armed Forces ang isa umanong testigo na magpapatunay na nasa lalawigan ng Leyte si Bayan Muna Rep. Satur Ocampo noong mga panahong isinakatuparan ang summary executions o communist purging sa halos 100 impormante ng militar at miyembro ng komunistang grupo.

Nabatid kanina kay Armed Forces Public Information Office Chief Lieutenant Colonel Bartolome Bacarro, ang nasabing testigo ay positibong maglalahad na pakalat-kalat lamang si Ocampo at wala sa kulungan nang mangyari ang purging activities ng Communist Party of the Philippines (CPP-NPA).

Una nang iginigiit ni Ocampo na imposible itong madawit sa mga insidente ng pagpaslang dahil nakakulong.

"One witness also stated that he saw Rep. Satur Ocampo in Leyte in 1985," ani Bacarro sa Mindanao Examiner.

Sinabi ni Bacarro na nakatakas si Ocampo sa kanyang security escort habang bumuboto sa National Press Club sa Maynila noong 1985 at saka muling naaresto noong 1986 dahil sa kasong kidnapping at pagpatay noong 1987.

"So it was within the period from 1985, when he escaped, until such time that he was arrested in 1987, he was free to go around. It was also during that period that the mass murder in Inopacan, Leyte started," dagdag nito.

Gayunman, tumangggi si Bacarro na iditalye ng buo ang pagkakakilanlan ng testigo ngunit sapat na umano ang kredibilidad nito para idiin ang mambabatas.

Ipinunto pa ng opisyal na noong mga panahong nagtatago si Ocampo ay may pagkakataong nagawa nitong makisangkot sa pag-uutos ng purging activities sa mga komunista.

"Based on our reading, he had something to do with giving orders, giving orders to members of the NPA to conduct this mass murder," ayon kay Bacarro.

2 BIKTIMA NG EXTRAJUDICIAL KILLINGS, NABUHAY!

Inilutang rin kanina ng Philippine National Police (PNP) ang dalawa pang sinasabing biktima ng extrajudicial killings batay sa listahan ng grupong Karapatan.

Sina Danilo Fajardo y Flores, 43 anyos, isang CAFGU member ng Barangay Tibagan, at Hilario "Larry" Faraon, isang magsasaka sa Barangay Buliraan, pawang mga taga-San Miguel, Bulacan, ay nagsumite ng sinumpaang salaysay upang pasinungalingan ang pag-aangkin ng Karapatan na sila ay patay at kondenahin ang paghahanay sa kanilang bilang biktima ng summary execution.

Ika-650 at 652, sina Fajardo at Paraon sa listahan ng may 836 umano'y biktima ng political killings na isinumite ng Karapatan.

Ayon kay PNP Task Force USIG commander, Chief Superintendent Geary L Barias, na ang paglutang nina Fajardo at Paraon ay nagbunsod ngayon ng limang pangalan na maling inihanay ng Karapatan sa listahan nito.

"In the case of the five names erroneously listed by Karapatan, it is a very remote possibility that they are just namesakes because the addresses and other descriptions were specifically indicated," ani Barias.

Sa opisyal na listahan ng Task Force Usig, 115 ang beripikadong mga biktima ng political killings.

"Nonetheless, we are giving due attention to all the cases reported to us for investigation regardless of the motive and persons involved," dagdag ng opisyal.

KINONDENA

Isang nationwide condemnation rally naman ang isasagawa ng Bayan Muna at mga kaalyado nito ngayon Miyerkoles dahil sa umano’y patuloy na panggigipit ng pamahalaan sa mga party list groups na bumabatikos sa Pangulong Arroyo.

“We are going to bring this battle in the streets and we shall start counting from this day on Gloria Arroyo’s very near downfall. We have the truth and the Filipino people on our side and they shall make justice possible for Satur Ocampo and the thousand victims of Gloria Arroyo’s fascism.”

“The Arroyo regime is mistaken in believing that their noxious plans will cripple us. All the more that we gain our credibility and strength each time that they attack us," Virador added. ani Bayan Muna Rep. Joel Virador sa ipinadalang statement sa pahayagang Mindanao Examiner.

Sinurado rin ng Bayan Muna na magsasampa ito ng kaso sa ginawang paglabag ng karapatan ni Ocampo at sa mga alegasyon ng pamahalaan.

"The charges that the militaries have filed against ‘Ka Satur’ will boomerang to them. We have witnesses that will testify against the militaries who have planted the said mass grave of the murdered NPA elements," wika pa ni Virador. (Ulat nina Juley Reyes sa Maynila, Romy Bwaga at Mark Navales sa Mindanao)