Ngano Kalahi party-list sa Mayo 14

Kung magmadaugon karong Mayo 14 gisaad ni Kalahi second nominee Atty. Karlo Nograles nga hatagan sa ilahang grupo ug maayong kinabuhi ang mga Pilipino. Matagamtaman sad natong tanan ang panaghiusa kung mahatagan ug tsansa sa Kongreso ang Kalahi.

DAVAO CITY - TALIWALA sa 93 ka mga party-list nga magpapili sa umabot nga Mayo 14 nga eleksiyon ngano Kalahi party-list man ang angayan natong botohan?

Kini ang upat ka mga dagkung mga rason ngano suportahan natong mga Pilipino labi na kitang mga taga Mindanao ang maong party-list.

1. Ang Kalahi gikan sa Mindanao ug para natong tanan nga Mindanawan

Ang ikaduhang nominado sa Kalahi gikan sa Mindanao si Atty. Karlo Nograles, gianak sa pinakdakung siyudad sa Mindanao ang Davao City.

Isip usa ka Mindanawan, gihandum ni Nograles nga abogado sad sa Kalahi nga mahatagan ug maayong mga proyekto ang mga taga Mindanao nga wala dyud nakatagamtam natong taga Mindanao sanglit gamay lang ang mga senador ug kongresista nga gikan sa Mindanao.

"Botohi ninyo ang Kalahi para madungagan sad nato ang mga kongresistang gikan sa Mindanao," hangyo ni Nograles.

Matud ni Nograles kung mahatagan siya ug higayon nga makasulod sa Kongreso isip ikaduhang representante sa Kalahi iyahang gamiton ang countrywide development fund (CDF) o pork barrel niya para sa magmugna ug maayong mga proyekto para sa taga Mindanao.

Ang mga planong proyektong pagahimuon ni Nograles kung naa na kini sa Kongreso mao ang ang libreng edukasyon ug scholarships sa mga kabus, ang pagpatukod ug mga schoo buildings sa mga kabus nga barangays sa Mindanao ug ang paglunsad ug livelihood ug skills seminar para sa mga walay trabaho.

"Magpahulam sad ug kuwarta ang Kalahi sa mga gagmay nga mga negosyante aron naa silay ikapital sa ilahang negosyo," saad ni Nograles.

Para siguraduhong mahatagan dyud ug proyekto ang tanang mga barangays sa Mindanao maggahin ug salapi si Nograles gikan sa iyahang pork barrel para ihatag sa mga opisyales sa barangays sa Mindanao para gamiton sa mga nindot nga proyekto sa ilahang mga lugar.

2.Kalambuan ug Kalinaw ihatud sa Kalahi sa Pilipinas

Dili lamang ang taga Mindanao ang mabulahan kung modaug ang Kalahi karong eleksiyon kung dili ang tibuok mga barangays sa nasud.

Ang tulo ka mga nominado sa Kalahi gagikan dyud sa tulo ka dakung isla sa Pilipinas ang Luzon, Visayas ug Mindanao.

Si Poe Gratela ang nagmugna sa Kalahi niadtong 2005 maoy modala sa tingog sa taga Luzon.
Isip usa ka residente sa Luzon pagahimuon ni Gratela ang tanan para mahatagan ug nindot nga kinabuhi ang taga Luzon labi na ang mga kabus.

Sama kang Nograles, gamiton sad ni Gratela, ang unang nominado sa Kalahi ang iyahang pork barrel para sa kaayuhan sa mga barangays sa Luzon.

Para sa mga taga Visayas si Luisito Clavano, nga gikan sa Sugbo ang magdala sa kaayuhan sa mga taga Visayas.

Ang ikatulong nominado sa Kalahi misaad nga kung buligan karong eleksiyon magmugna siya ug mga nindot nga proyekto para sa iyahang mga kababayan sa Visayas.

Si Gratela, Nograles ug Clavano naghugpong para mahatagan ug proyekto ang mga barangays sa nasud aron magmalinawon ang mga residente niining mga lugara.

3. Suportado sa mga respetadong mga Pulitiko ang Kalahi

Tungod sa mga nindot nga programa ug ang maayong tinguha niini sa mga Pilipino labi na ang mga kabus ug lumad 35 sa mga respetado nga pulitiko sa Pilipinas ang misuporta sa Kalahi.

Mao kini ang listahan sa mga pulitiko nga nga nisaad ug suporta sa Kalahi aron magmadaugon ang grupo karong eleksiyon.

Agusan del Sur governor Valentina Plaza, Maguindanao governor Andal Ampatuan, Maguindanao second district congressman Simeon Datumanong, Surigao del Sur Governor Vic Pimentel, Surigao del Sur congressmen Jesnar Alarcon ug Prospero Pichay, Agusan del Norte governor Edel Amante, Agusan del Norte congressman Angel Amante, Agusan del Sur congressman Ompong Plaza, Surigao del Norte Governor Lyndon Barbers, Surigao del Norte congressman Ace Barbers.

Davao del Norte second district congressman Tony Boy Floirendo, Compostela Valley 1st district congressman Manuel Zamora, Davao del Norte first district congressman Arrel Olano, Davao Oriental first district congresswoman Cora Malanyaon, Davao Oriental second district congressman Mayo Almario, Compostela Valley second district congressman Prospero Amatong, Davao del Sur first district congressman Douglas Cagas, Davao del Sur second district congressman Claude Bautista.

2nd district Western Samar congressman Catalino Figueroa, 2nd district Palawan congressman Baham Mitra,Governors Niel Tupaz, Sallay Perez and Vic Bermejo of Ilonggo Panay Area, Cebu City 2nd district congressman Antonio Cuenco, Cebu City 1st district congressman Ed Gullas, Cebu City 5th district congressman Ace Durano, Cebu City 3rd district congressman Antonio Yapha, Bohol first district congressman Edgar Chatto, Bohol second district congressman Roberto Cajes.

Ug Surigao del Norte congresswoman Glenda Ecleo,2nd district Lanao del Norte congressman Abdullah Dimaporo, 2nd district Zamboanga del Sur Antonio Cerilles, LOne district of Zamboanga Sibugay Belma Cabilao and 3rd district Masbate congresswoman Rizalina Lanete.
Nagpasalamat ang Kalahi sa suporta sa mga maong mga pulitiko ug naghandum nga ang maong pagsalig maoy magdala sa grupo sa Kongreso.

4. Maayong kinabuhi ug proteksiyon ihatag sa Kalahi sa OFW, ang Bag-ong mga Bayani sa Nasud

Usa sa mga dagkung mga rason ngano namugna ang Kalahi mao ang paghatag ug proteksiyon ug maayong kinabuhi sa mga Overseas Filipino Workers ang gitawag nga Bag-ong mga Bayani sa Pilipinas.

Kung magmadaugon ang Kalahi sa eleksiyon ubay-ubay nga mga proyekto ang pagahimuon niini aron hatagan ug maayong kinabuhi ang mga OFWs.

Ang pagpagaan sa mga requirement sa mga nagambisyon nga maka-abroad ang usa sa mga proyekto sa Kalahi para sa OFWs.

"Maghatag sad ug financial asisstance at credit relief ang Kalahi party-list sa mga OFWs para naa silay panggasto kung wala pa sila nakalarga," saad ni Nograles.Hatagan ug insurance sa Kalahi ang mga OFWs ug ang mga pamilya nila.

Para dili na mausab ang nahitabo kang Flor Contemplacion ang Pinay domestic helper nga gibitay sa Singapore human napasanginlan nga nipatay sa laing Pinay nga OFW niadtong 1995 magduso ug balaod ang Kalahi para magmugna ug legal attache offices sa mga embahada sa Pilipinas sa lain-laing parte sa kalibutan.

"Ang legal attache offices maoy maghatag ug abogado sa mga OFws kung naay silay mga kaso nga ginatubang u kung kinahanglan nila ug tabang nga legal," asoy ni Nograles.

Sa kasamtangan walay abogado nga naka-istambay sa tanang embaha sa Pilipinas gamay lamang sa mga buhatan sa Department of Foriegn Affairs ang naay naka-istambay nga abogado para sa mga OFWs.

Taliwala niining upat ka mga rason, Kalahi party-list na ang atong ibutang sa balota karong eleksiyon kay ang maong grupo ang makatabang natong tanan ug magdala sa tingog natong mga Pilipino sa Kongreso. (Romy Bwaga)