NEGROS (Mindanao Examiner / 05 Jun) – Isang pedicab driver ang binigyan ng parangal ng pamahalaang ng Dumaguete dahil sa magandang ugali at katapatan nito.
Si Fernando Lastimosa ay pinarangalan matapos na kumalat ang pagbabalik nito ng mga ibat-ibang bagay na naiwan ng kanyang mga pasahero sa bisikletang ipinapasada.
Nabigyan pa ito ng P5,000 bilang pabuya ng pamahalaan sa magandang asal na dapat umanong maging halimbawa hindi lamang ng ibang pedicab driver, kundi maging ng bawat Pilipino.
Nahiya pa si Lastimosa sa natanggap na papuri at sinabing nakalakihan na nito ang magandang asal na ipinamalas ng kanyang mga magulang kahit na lumaki sa hirap.
Halos maiyak naman ang mga kaibigan at kapamilya ni Lastimosa sa hindi inaasang parangal ng pamahalaan sa pangunguna ni Mayor Agustin Perdices. (Mindanao Examiner)
No comments:
Post a Comment