CHR nabalaka sa pagkunhod sa mga mo-eskwela ug enrollment tungod sa random drug testing

Maynila (Mindanao Examiner / Enero 23, 2009) - Ang Commission on Human Rights (CHR) mipasidaan mahitungod sa posible nga pagkunhod sa gidaghanon sa mga mo-eskwela ug enrollment kung ang kagamhanan magpadayon sa iyang giplano nga random drug testing alang sa mga estudyante.

"Ang makuyaw mao nga ang mga estudyante nga nagtungha nga naggamit sa mga ginadili nga druga dili motungha ni mo-enroll tungod kay molikay nga mamahimo nga maka-apil sa sampling," si CHR Chairperson Leila de Lima nagkanayon sa Philippine Information Agency.

Kung kini mahitabo, nahadlok siya nga ang testing makabalda sa pagtoon ug pagpalambo sa mga kabataan sa katungod sa pagbaton sa edukasyon.

"Busa, dili kini nakahimo sa random drug testing counter-productive tungod kay gusto nato nga ang atong mga anak magpabilin sa eskwelahan hinoon awhagon sila nga dili mohimo sa maong dautang kalihokan?, siya ang nangutana.

Ang CHR, usa ka independente nga kahugpoungan nga gitahasan pagpalambo sa tawhanong katungod sa tibnuok nasud, nanawagan pagtantiya sa pagka-epektibo sa random drug testing pagpakigbatok sa kakuyaw sa illegal nga druga ug sa iyang maayong gsangputanan ngadto sa mga kabataan sa dili pa ang kagamhanan mopatuman niini.

"Ang mga menor de edad nga mga estudyante adunay katungod sa pangilaba ug nanawagan sa katumanan sa ilang katungod sa pagkabaton sa edukasyon, nagpugos sa kagamhanan pagtahud sa katungod sa bata sa edukasyon isip iyang mahingdanong katungdanan," matud pa niya.