Senador Trillanes, Aapela Sa Korte Upang Makalabas!

MANILA (Mindanao Examiner / 24 Jul) – Hihilingin umano ni Senator Antonio Trillanes IV sa Makati Regional Trial Court na mapayagan itong makapagpyansa upang makadalo sa mga sesyon ng Senado.

Sinabi ng senador na kasalukuyang nakapiit sa Marines headquarters sa Fort Bonifacio sa Taguig City na magsasampa ang kanyang abogado ng petisyon kay Judge Oscar Pimentel ng Branch 148 ng Makati RTC upang pansamantalang makalaya.

Bagamat ibinasura noong Mayo 9 ang unang motion to post bail ni Trillanes upang makapangampanya, iba na umano ang sitwasyon ngayong isa na siyang halal na mambabatas.

Naninindigan naman si Attorney Reynaldo Robles na maging ang Korte Suprema ay naniniwalang marapat mapagbigyang makapagpyansa si Trillanes bagamat isang non-bailable offense ang kinakaharap nito, dahil sa malabong posibilidad na takasan ang prosekusyon.

Inihalimbawa ng abogado ang desisyon ng Supreme Court sa Justiniano Montano vs Felicismo Ocampo nang maharap ng capital offense si Montano ngunit pinagpyansa sapagkat imposibleng makatakas sa social standing nito.

Isusumite rin ni Robles sa korte ang resolusyon ng Senado na nagbibigay suporta kay Trillanes na dumalo sa mga sesyon at trabaho ng Mataas na Kapulungan.

Ito rin ang hiniling ng mga senador kahapon upang pahayagan si Trillanes na magampanan ang kanyang tungkulin. Nais ng ibang mga senador na kaalyado ni Trillanes na sa Senado na ibigay ang kustodiya sa dating coup leader. (Juley Reyes)

Senador Trillanes, Tumira Na!

MANILA (Mindanao Examiner / 29 Jun) – Inakusahan ni Sen. Antonio Trillanes IV ang kandidato ng Team Unity na si Juan Miguel "Migz" Zubiri na nakinabang sa dayaan nitong nakalipas na halalan.

Pormal nang nakapanumpa kanina bilang senador ang dating opisyal ng Philippine Navy na nanguna sa pag-aaklas ng militar noong Hulyo 2003 laban sa administrasyong Arroyo.
"I wouldn't want a cheat to join me in the Senate," ani Trillanes.

"I believe Congressman Zubiri knows deep in his heart that he benefited from cheating. If he is decent enough, he wouldn't accept victory in the Senate race because that is not something you want your kids to emulate," dagdag na patutsada nito.

Matapos ang pagbibilang ng mga boto buhat sa Maguindanao ay nalamangan na ni Zubiri si Genuine Opposition candidate Atty. Aquilino PImentel III. Ang certificate of canvass sa Maguindanao umano ay sinasabing balot ng pandaraya pabor sa mga pambato ng administrasyon.

Binatikos naman ni Zubiri ang dating opisyal ng militar at libelous umano ang paratang ni Trillanes sa kanya.

Bukod kay Zubiri ay tinirada rin ni Trillanes si Pangulong Gloria Arroyo at ipinangakong hahalungkutin ang "Hello Garci" scandal sa Senado.

Samantala, inaantabayan pa rin ng Armed Forces of the Philippines (AFP) ang magiging desisyon ng Makati Regional Trial Court hinggil sa hahawak sa kustodiya kay Trillanes.

Nakapiit pa rin ang senador bunsod ng kinakaharap na kasong kudeta sa civilian court at paglabag sa Articles of War ng militar matapos masangkot sa Oakwood mutiny.

Ayon kay Public Information Office Chief Lieutenant Colonel Bartolome Bacarro, ngayong pormal nang matatawag na senador si Trillanes, mahalaga sa AFP na mabigyang-linaw kung sila pa rin ang magdiditine kay Trillanes.

Kahit aniya may legal na implikasyon kung hindi mapunta sa kanila ang kustodiya, sapat na rin na malinawan ito ng korte at hindi na aapela pa ang AFP.

Iginigiit lamang ng AFP na matiyak na mapapalutang sa mga paglilitis ng General Court Martial si Trillanes. (Juley Reyes)

Heneral, Opisyal Sabit Sa Bigong Coup, Hindi Palalayain!

MANILA (Mindanao Examiner / 20 Jun) – Malabong mapalaya ang mga heneral at iba pang opisyal ng militar na sangkot sa bigong planong kudeta noong Pebrero 2006 matapos na tanggihan ito mismo ni Armed Forces of the Philippines (AFP) Chief, General Hermogenes Esperon, Jr.

Ito'y sa harap ng pagkapanalo ni dating Navy Lieutenant Seniorgrade Antonio Trillanes IV bilang senador. May naunang pahayag ito na tutulungan ang mga nakapiit sa paratang na kudeta upang mapalaya.

Mahigit isang taon nang nakakulong ang grupo ni dating Marine commandant Major General Renato Miranda, dating Army Scout Ranger chief Brigadier General Danilo Lim at Marine Colonel Ariel Querubin kasama ang iba pang mga tauhan nito dahil sa sinasabing balak ng pag-agaw sa kapangyarihan ng Pangulong Gloria Macapagal-Arroyo.

Binigyang-diin ni Esperon na may proseso ang marapat na masunod sa ilalim ng umiiral na mga probisyon ng hustisyang miliitar.

Makakalaya lamang aniya ang mga coup plotter kung malilinis ang mga ito sa mga kaso o napagsilbihan na ang kaparusahan.

Kasalukuyang dinidinig ng special General Court Martial sa pamumuno ni Southern Luzon Command (Solcom) Chief Lieutenant General Alexander Yano ang mga kasong paglabag sa Articles of War nina Miranda, Lim at Querubin.

" We now have the General Court Martial which is proceeding against them and have taken jurisdiction over them, so by the provision of the Articles of War, it simply has to go on, the military justice system will go on," ani Esperon.

Hindi naman nababahala si Esperon sa anumang plano ni Trillanes para mailigtas ang grupo nina Miranda, Lim at Querubin hanggat maidadaan ito sa legal na proseso. (Juley Reyes)

AFP Handa Ng Bitiwan Si Trillanes

Ang pasasalamat ni failed coup leader at ngayon ay senator-elect Antonio Trillanes na makikita sa website ng Magdalo Para Pagbabago.

QUEZON CITY (Mindanao Examiner / 20 Jun)- Handa na ang liderato ng Armed Forces of the Philippines (AFP) na alisin ang kustodiya nito kay Senator Antonio Trillanes IV na kasalukuyang nakaditine sa Philippine Marines headquarters sa Fort Bonifacio, Taguig dahil sa bigong coup nuong 2003.

Ayon kay AFP Chief of Staff General Hermogenes Esperon, Jr., sumulat siya kay Makati Regional Trial Court branch 148 presiding judge Oscar Pimentel upang pagpasyahan kung mananatili sa militar ang pangangalaga kay Trillanes.

Ipinunto ni Esperon na kailangang malinaw sa mababang hukuman kung nanaisin pa nitong maipagpatuloy ang ibinigay sa kanila na custodial authority sa senador sa harap na rin ng mga kontrobersyang sumulpot hinggil sa nasabing usapin.

"I am writing honorable Oscar Pimentel, clarifying with him whether he wants me to continue having the custodial authority over Senator Trillanes, as he gave me.If he wants, I can continue. If he doesn't, he has just to rule and I will follow the official ruling," ani Esperon.

Aminado ang heneral na problemado ito sa isyu ng kustodiya kay Trillanes at gustong pagbigyan ang mga hirit ng dating junior officer partikular ang makadalo sa sesyon at trabaho ng Senado ngunit kailangan naman niyang protektahan ang mandato at regulasyon ng militar at General Court Martial kung saan ay may kinakaharap rin na kaso ang senador.

"This is my dilemma as chief of staff. Gusto kong largahan ang kanyang pagnanais. We know he can accomplish many things. But I also want protect the interest of the AFP, including the people in the GCM," ayon kay Esperon.

"I just want to say that I am just an implementer of laws. I am not an interpreter, neither do I make laws," dagdag nito.

Si Trillanes kasama ang 30 pang sundalo ay may kasong kudeta sa Makati RTC bukod pa sa paglabag sa Articles of War 96 (conduct unbecoming an officer and a gentleman) sa military court.

Gayunman, nagpasakalye si Esperon na kung mananatili ang detensyon kay Trillanes sa kanilang hurisdiksyon ay mapapayagan naman ang senador na tumungong Senado ngunit dapat na may karampatang pahintulot. (Juley Reyes)

Walang Loyalty Check Sa Mga Sundalo: AFP

QUEZON CITY (Mindanao Examiner / 19 Jun) – Wala umaning balak ang liderato ng Armed Forces of the Philippines (AFP) na magsagawa ng loyalty check sa hanay nito kasunod ng sinasabing pagkatig ng dalawang heneral sa hirit ni Senator Antonio Trillanes IV na ungkatin ang extrajudicial killings ng militar.

Nananatiling kumpyansa ang AFP sa pagtalima ng mga myembro nito sa batas at regulasyon kung kayat malabong makisangkot sa paglikida ng mga militante o aktibista.

Ayon kay AFP spokesman Lt. Col. Bartolome Bacarro, mahigpit ang pagrespeto ng mga sundalo sa karapatang pantao bilang bahagi ng mga isinasagawa nilang pagsasanay.

Hindi rin aniya dapat makalimutan ng publiko na ang komunistang grupo ay kilalang pumapatay ng sariling miyembro lalo na ang mga pinagdududahang espiya ng gobyerno at militar.

Samantala, tinitiyak naman ni AFP Chief of Staff General Hermogenes Esperon, Jr., na nakahanda itong humarap sa anumang pagsisiyasat na nais ipatawag ni Trillanes kaugnay sa political killings.

Gayunman, ipinunto ni Esperon na umiiral ang Executive Order 464 at ang pagharap nito sa congressional inquiry ay nakadepende sa magiging basbas ng Pangulong Gloria Macapagal-Arroyo bilang Commander-in-Chief.

Hinahamon pa nito ang mga nagdidiin sa militar sa extrajudicial killings, maging ang dalawang heneral na sinasabing nagkumpirma nito, na maglabas ng ebidensya sa akusasyon.

Binigyang-diin pa ni Esperon na walang polisiya sa AFP na tugisin ang mga militanteng organisasyon. (Juley Reyes)

AFP, Nagmamatigas Pa Rin Kay Senador Trillanes

MANILA (Mindanao Examiner / 17 Jun) – Nagmatigas ang Armed Forces na hindi nito papayagan si detained Senator Antonio Trillanes na makadalo sa mga pagdinig at sesyon ng Mataas na Kapulungan.

Sinabi ni Lt. Col. Jose Feliciano Loi na kung ang pagbabatayan ay ang kaso ni dating Zamboanga del Norte Rep. Romeo Jalosjos, ay tiyak naman na mahihirapan si Trillanes na maging aktibo sa Senado.

"I believe there is jurisprudence… Take the classical case of Congressman Jalosjos, he was even re-elected as congressman and yet there was this conviction of rape…Although re-elected as congressman, he cannot attend the session in Congress. Probably, that will also apply to the good senator-elect Sonny Trillanes," punto ni Loi.

Tinukoy pa ni Loi na sa ilalim ng Articles of War, hindi pinahihintulutan sa military court ang pagpipyansa para sa pansamantalang paglaya. "He may not be allowed to attend the sessions before the Senate if there is no court order or there is no approval from the GCM (general court martial)," dagdag nito.

Si Trillanes ay nahaharap sa kasong paglabag sa Article of War 96 or conduct unbecoming of an officer and a gentleman kaugnay sa nabigong kudeta noong Hulyo 2003 at kasalukuyang nakaditine sa Marine headquarters sa Fort Bonifacio, Makati City.

Sinabi pa ng military lawyer na wala sa probisyon ng Articles of War na nagbibigay sa mga detinido ng temporary pass. "There is none. Once you are charged before a court martial, you are restricted to quarters. So if you are restricted to quarters, how can you attend the proceedings?," diin nito. (Juley Reyes)

Trillanes, Muntik Ng Sumabit Sa Proklamasyon!

Isa sa mga campaign material ni Senador Antonio Trillanes. (Mindanao Examiner Photo Service)

MANILA (Mindanao Examiner / 15 Jun) - Muntik nang hindi makadalo si senator-elect Antonio Trillanes sa proklamasyon nito sa Commission on Elections kaninang umaga matapos na harangin ng Armed Forces ang paglabas nito sa kulungan.

Ngunit pinagbigyan pa rin ni Armed Forces Chief Gen. Hermogenes Esperon si Trillanes bagamat iginigiit nito na marapat ay sinusunod ng senador ang proseso habang nasa hurisdiksyon pa rin ng militar.

Nabigo umano ang ang kampo ni Trillanes na magsumite ng pahintulot kay Esperon upang makadalo sa proklamasyon nito kanina.

Bukod sa permiso ng Makati Regional Trial Court, obligado si Trillanes na magpaalam sa AFP dahil bahagi ito ng proseso bukod pa na sila ang may hawak ng kustodiya sa dating opisyal ng militar.

Pinagkaguluhan naman si Trillanes ng media ng dumating sa COMELEC kasama ang mga mahal sa buhay at supporters.

Wala naman balak si Trillanes na gantihan si Esperon kahit pa ito ay nanalo bilang senador.
Sinabi pa ni Trillanes na habambuhay nitong irerespeto si Esperon bilang miyembro ng Upper Class sa Philippine Military Academy (PMA) at nakatataas na opisyal ng militar.

Gayunman, binigyang-diin ni Trillanes na ang kanyang ipinaglalaban ay para rin sa mga miyembro ng Armed Forces at mahalagang malinis ang institusyon sa lumalalang katiwalian at magpatupad ng reporma.

Kasabay nito, hindi naman natitinag si Esperon sakaling gisahin siya ni Trillanes sa anumang imbestigasyon ng Senado na ipatatawag nito.

Sinabi ng heneral na bahagi ito ng demokratikong proseso sa bansa at malimit rin naman siyang humaharap sa mga pagdinig ng Mataas ng Kapulungan.

"That's part of the democratic process. Lagi rin naman akong humaharap sa Senado," ani Esperon sa pahayagang Mindanao Examiner.

Makakaharap aniya siya sa Senado kung bibigyan ng awtoridad ng Commander-in-Chief o ng Pangulong Gloria Macapagal-Arroyo para dumalo sa anuma ng pulong o pandinig.

Bagamat hindi masama ang loob ni Esperon sa pagkapanalo ni Trillanes ay inamin naman nitong kagulat-gulat ang pagkakahalal ng failed mutiny leader.

Samantala, masalimuot na proseso ang dadaanan ni Trillanes bago tuluyang mailipat ang kustodiya rito mula sa militar tungong Senado.

Ayon naman kay Armed Forces spokesman Lt. Col. Bartolome Bacarro ay hindi magiging madali para kay Trillanes ang makabitaw sa kustodiya ng militar bunsod na rin ng kinakaharap nitong kasong paglabag sa Articles of War noong aktibo pa sa serbisyo.

Nais naman ni Trillanes na magkaroon ng pagbabagop sa kanyang kulungan at posibleng doon nito isagawa ang anumang pandinig o pulong na may kinalaman sa kanyang pagiging senador. Ito ay kung hindi siya papayagang makadalo sa Senado.

Posibleng maibigay kay Trillanes ang Defense Committee at mailipat sa kustodiya ng Senado o Sergeant-at-Arms nito o sa Senate President ang kaso nito.

Sabit sa Trillanes sa nabigong coup apat na taon na ang nakalipas. Korupsyon sa pamahalaan at Armed Forces ang naging isyu ng Magdalo Group na kinabibilangan nito ng kanilang okupahan ang Oakwood Premiere Hotels sa Makati City. (Juley Reyes at Juan Magtanggol)

Filipino Mutiny Leader, Proclaimed Senator-Elect

Navy officer Antonio Trillanes, now Philippine senator.

MANILA (Mindanao Examiner / 15 Jun) – Detained mutiny leader Antonio Trillanes was proclaimed Friday by the Philippines Elections Commission as senator-elect.

Trillanes ran for senator in the May 14 national elections with politicians opposed to President Gloria Arroyo's rule. He was declared winner on Thursday.

Trillanes is one of many military officers accused of trying to oust Arroyo during the so-called Oakwood mutiny on July 27, 2003.

He led more than 300 armed soldiers, mostly from the elite navy seal and army rangers, and took over the Oakwood hotel in Makati City, the country’s financial district, to show the Filipinos the alleged corruption of the Arroyo administration.

They later surrendered after a peaceful negotiation that promised swift reforms in the government and the Armed Forces of the Philippines. But after surrendering, all those involved in the failed coup have been detained instead and are now facing criminal charges.

The Philippine military said Trillanes will remain in detention. (Juan Magtanggol)

Failed Coup Leader Elected To Philippine Senate

MANILA (Mindanao Examiner / 14 Jun) – Detained failed coup leader Antonio Trillanes was finally on Thursday elected to the Philippine Senate after he was proclaimed winner in Manila.

Trillanes was declared winner a week after Elections chief Benjamin Abalos proclaimed Loren Legarda, Francis Escudero, Panfilo Lacson, Manuel Villar Jr., Benigno Aquino III, Francis Pangilinan, Edgardo Angara, Alan Peter Cayetano, Gregorio Honasan and Joker Arroyo.

Abalos did not include Trillanes in the previous proclamation, saying, the counting of votes are not over yet. Trillanes ran for senator in May 14 elections with politicians opposed to President Gloria Arroyo's rule.

Trillanes is one of many military officers accused of trying to oust Arroyo during the so-called Oakwood mutiny on July 27, 2003.

Last month, the Philippine military barred two foreign journalists -- Sebastian Facris, of the French International Radio and Douglas Bakshian, of the Voice of America -- from a press conference of Trillanes at a marine prison facility in Manila.

The Foreign Correspondents Association of the Philippines, to which the two journalists belong, organized the press conference. The military said foreign journalists are barred from entering Philippine military camps unless with security clearance from the intelligence service.

Military officials had prevented Trillanes from campaigning, but a civilian court allowed journalist to interview him days before the elections. Soldiers were also told by their commanders not to vote for Trillanes, but the sympathy for the detained officer only grew strong.

Trillanes led more than 300 armed soldiers, mostly from the elite navy seal and army rangers, and took over the Oakwood hotel in Makati City, the country’s financial district, to show the Filipinos the alleged corruption of the Arroyo administration.

They later surrendered after a peaceful negotiation that promised swift reforms in the government and the Armed Forces of the Philippines. But after surrendering, all those involved in the failed coup have been detained instead and are now facing criminal charges. (Juan Magtanggol and Juley Reyes)

Kay Antonio Trillanes: Sinong Takot? Ang AFP?

MANILA (Mindanao Examiner / 13 Jun) – Ipinagkibit balikat lamang ng mga opisyal ng militar ang babala ng ilang retiradong heneral na maaaring magkaroon ng kudeta o demoralisasyon sa hanay ng Armed Forces ang nabibiting proklamasyon ni failed coup leader Navy Lieutenant Seniorgrade Antonio Trillanes.

Si Trillanes ay ika-11 sa Magic 12 ng senatorial candidates ng Genuine Opposition at posibleng ma-proklama kung hindi magbabago ang bilangan ng boto sa Commission on Elections.

Sinabi ni Armed Forces spokesman Lt. Col. Bartolome Bacarro na malabong mangyari na ikadismaya ng mayorya ng mga sundalo na mauuwi sa kudeta, lalo na ang mga bumoto kay Trillanes ang posibilidad na mabaligtad ang resulta Commission on Elections.

Malinaw naman aniya sa kasundaluhan ang proseso ng halalan at ang pagdistansya sa usaping pulitikal.Idinagdag pa ni Bacarro na makabubuting ipaubaya na lamang din sa Comelec ang desisyon at hintayin ang hakbang nito kung kailan opisyal na maidedeklarang nanalong senador si Trillanes.

Una na ring pinagdududahan ng kampo ni Trillanes na ang nauudlot na proklamasyon ay dahil sa posibleng niluluto pang pandaraya ng administrasyon upang ilaglag ang dating opisyal ng militar.

Naniniwala rin si Bacarro na sa mga ganitong usapin ng nabibiting proklamasyon ay mahalaga ang maitutulong ng inilunsad nitong survey upang magkaroon ng information drive at maunawaan ng mga sundalo ang tamang proseso.

Sa pagsusumikap aniya ng AFP leadership na magkaroon ng epektibong kampanya ng impormasyon ay maiiwasan na may umalma o magbalak ng pagrerebelde sa hanay ng militar. (Juley Reyes)

AFP Dedma Lang Sa Mga Tropang Sumuporta Kay Trillanes!

MANILA (Mindanao Examiner / 12 Jun) – Dededmahin lamang umano ng Armed Forces of the Philippines (AFP) ang mga sundalong nakisimpatiya o bumuto kay failed coup leader Antonio Trillanes matapos amining gumawa ng isang survey ukol sa dating opisyal ng Navy.

Sinabi ni AFP spokesman Lt. Col. Bartolome Bacarro na walang balak ang militar na gantihan ang mga tropang sumuporta sa senatorial bid ni Trillanes. Hindi rin ipahuhuli ng AFP ang mga sundalong lumahok sa nasabing survey at sabihing si Trillanes ang kanilang ibinoto sa nakaraang halalan.

Posibleng makaupo na si Trillanes dahil nasa ika-11 pa rin ito sa bilangan ng Commission on Elections at ibang poll watch groups.

Binigyang-diin pa ni Bacarro na hindi rin naman nasisindak o nababahala ang AFP sa pag-upo ni Trillanes.

"Hindi kami nasisindak. We have nothing to fear. We have nothing to worry about. Besides, Trillanes is a former member of the Armed Forces and he could help the institution thru legislation," ani Bacarro.

Ibang-iba ang pahayag nito ngayon kaysa mga nakaaraang bitiw ng mga salita. Tipong maamo na ang dating ni Bacarro.

Samantala, duda naman si Bacarro na may mga sundalo sa kanilang hanay ang hayagang tututol sa pag-upo ni Trillanes bilang senador.

Sinabi ni Bacarro na malinaw naman ang mandato ng taumbayan kay Trillanes nang iboto ito ng mayorya ng mga pinoy noong nakaraang halalan.

Tanggap na rin aniya ng AFP ang pagkapanalo ni Trillanes na pinaniniwalaan nitong magiging kaalyado rin ng institusyon. Maraming mga sundalo ang sumuporta kay Trillanes sa kabila ng mahigpit na pangangampanya ng AFP sa mga tropa na huwag itong iboto.

Isa si Trillanes sa mga nagtangkang pabagsakin ang pamahalaang Arroyo ng sakupin ng grupo nitong Magdalo ang Oakwood Premier Hotels sa Makati City ilang taon na ang nakalipas.

Corruption at state-sponsored terrorism ang naging batikos ng Magdalo Group sa pamahalaan. (Juley Reyes at Juan Magtanggol)

Militar Takot Sa Pagaalsa, Tropa Pinulsuhan!

MANILA (Mindanao Examiner / 11 Jun) Kinumpirma ngayon ng Armed Forces of the Philippines (AFP) ang inilunsad nitong survey sa mga kasundaluhan upang pulsuhan ang sentimyento sa pagkapanalo ni failed coup leader Navy Lieutenant Seniorgrade Antonio Trillanes.

Noong isang linggo pa sinimulan ng Civil Relations Service ng AFP ang naturang survey, gayunman, agad na kinatwiranan ni military spokesman Lieutenant Colonel Bartolome Bacarro na layunin lamang nito na mabatid ang damdamin ng mga miyembro ng organisasyong militar dahil sa posibilidad na marami rin ang pumapalag o hindi pabor sa pag-upo ni Trillanes sa Senado.

Sakali aniya may mga matanggap na dissenting opinion o negatibong pananaw sa pagiging senador ni Trillanes, magsasagawa ang AFP ng kaukulang information drive o pagpapaliwanag para mapahupa ang anumang pag-alma.

"Gusto nating malaman yung sentiment ng ating mga kasundaluhan. It is possible na merong mga dissenting opinions coming from our soldiers and on the part of the AFP leadership we also like to know kung ano yung mga efforts na pwede nating gawin.”

“It is to remove rumblings within the organization, posible kasi na itong dissenting opinion ng ilang sundalo would create rumblings within the organization," paliwanag pa ni Bacarro

Partikular na nais aniyang ipaliwanag ng AFP sa mga sundalong maaaring umalma sa pagkakaluklok kay TRillanes ay ang mandatong ibinigay ng taumbayan sa dating opisyal ng militar ngunit hindi nangangahulugang ligtas na ito sa parusa ng batas.

Itinanggi naman ni Bacarro na iniingatan ng AFP na magsilbing inspirasyon o tularan ng mga sundalo si Trillanes na kilalang nanguna sa mutiny laban sa gobyerno kung kayat nagsagawa ito ng survey.

Hindi umano maituturing na banta sa militar si Trillanes na kung tutuusin ay puwede itong maging kasangga ng AFP.

"He would know what are the needs of the AFP, he can push for some legislation that would favor the AFP," dagdag nito. (Juley Reyes)

AFP Hahalungkatin Ang Suporta Ng Kaliwa Sa Failed Coup Leader

QUEZON CITY (Mindanao Examiner / 08 Jun) – Uungkatin umano ng Sandatahang Lakas ng Pilipinas ang sinasabing suporta ng mga kaliwa at komunistang grupo sa napipintong pagkapanalo ni dating Navy Lieutenant Seniorgrade Antonio Trillanes sa pagkasenador.

Sinabi ngayon ni AFP Chief of Staff General Hermogenes Esperon, Jr. na kung inaangkin ng mga maka-kaliwa na sila ang responsable sa malaking hakot ng boto para kay Trillanes, mapatutunayan lamang nito ang mga naunang alegasyon ng ugnayan ng grupong Magdalo sa mga komunista.

"We are studying that, if they are claiming that they are responsible for his victory, well they must be good in their strategies but at the same time, that is something to look at, if somebody won by, because of the efforts of the left," ani Esperon sa pahayagang Mindanao Examiner.

Hindi naman agad makunan ng pahayag si Trillanes ukol sa balak ng militar, ngunit posibleng manalo ito bilang senador.

Kasabay nito, hindi naman natitinag si Esperon kung angkinin ng Magdalo group ang kanilang panalo sa pakikibaka laban sa gobyerno nang makuha ang boto ng maraming pinoy.

"Well they can call that victory because he (Trillanes) called himself Magdalo but as I said, as of this time everything could be speculative because no proclamation has been made, so lets just wait for that," dagdag ni Esperon.

Muli namang hinamon ni Esperon si Trillanes na ilabas ang ebidensya nito sa alegasyong inutusan niya ang lahat ng mga sundalo sa pamamagitan ng radio message upang dayain ang eleksyon at ipanalo ang Team Unity senatorial candidates.

"I have challenged them to come out with the evidence, with the radio message that they were saying that I sent out, until now they have not come out with it simply because they cannot come out with it, its not true," diin ng heneral. (Juley Reyes)

Failed Coup Leader, Palaban!

MANILA (Mindanao Examiner / 04 Jun) – Ipinangako ngayin ni dating Philippine Navy Lieutenant Seniorgrade Antonio Trillanes ang lahat ng paraan upang mailigtas ang mga nakapiit na opisyal ng militar na idiniin sa nabigong kudeta laban sa administrasyon Arroyo.

Sinabi ni Trillanes na gagamitin nito ang mga legal na hakbang sa sandaling mailuklok na sa Senado para matulungan ang grupo nina dating Marine Commandant Major General Renato Miranda, dating Scout Ranger chief Brigadier General Danilo Lim at Colonel Ariel Querubin.

Ikinatwiran nito na kung tutuusin ay hindi dapat nasa kulungan ang mga opisyal na naghahangad lamang ng pagbabago at mailabas ang kabulukan ng administrasyon.

"They are not supposed to be there. They risk their lives and detained because they attempted to fight against the wrong system," ani Trillanes sa pahayagang Mindanao Examiner.

Naninindigan rin si Trillanes sa harangin nitong masibak sa posisyon ang Pangulong Gloria Macapagal-Arroyo dahil hinding-hindi aniya malilinis ang pamahalaan hanggat ito ang nakaupo sa kapangyarihan.

Samantala, wala namang balak ang dating opisyal ng militar na iwanan ang mga kasamahang detenido dahil sa Oakwood mutiny sakaling manalong senador at hindi pa rin naaabswelto sa kaso.

Ayon kay Trillanes, maaaring ihirit na lamang nito sa Makati Regional Trial Court na payagan na makadalo sa mga sesyon ng Mataas na Kapulungan ngunit babalik sa kulungan pagkatapos.

Sinabi pa ni Trillanes, ika-11 sa mga lumalamang sa bilangan ng Commission on Elections at National Movement for Free Elections, na matatalo lamang ito kung garapalan ang gagawing pandaraya ng pamahalaan.

Kasunod ni Trillanes sa bilangan sina Ralph Recto at Juan Miguel Zubiri at ipinahayag nito na masungkit ang huling mga posisyon sa Magic 12 kung puwersahan nang isasakatuparan ng administrasyon ang pandaraya.

Sinabi pa ni Trillanes na mahahalata na ng husto at posibleng maging mitsa ng pag-aalma ng taumbayan kung dadayain ng Malakanyang ang bilangan ng mga boto upang ilusot sina Recto at Zubiri sa ika-11 at 12 puwesto.

Kasabay nito'y umapela si Trillanes sa kunsensya nina Recto at Zubiri kung hahangarin na manalo sa pamamagitan ng manipulasyon ng mga boto.

Sina Trillanes at Atty. Aquilino Pimentel III ang nananatiling nakapako sa ika-11 at 12 batay sa pinakahuling resulta ng canvassing ng Commission on Elections (Comelec).

Ayon kay Trillanes, maliwanag sa kanilang mga dokumento at impormasyon na pasok siya sa ika-11 posisyon na may kalamangang 250,000 boto kay Pimentel na lamang naman ng 140,000 hanggang 150,000 kay Zubiri na nasa ika-13.

Binanggit pa nito na kung tutuusin ay nadaya pa siya ng administrasyon ng isang milyong boto na maglalagay sana sa kanya sa ika-8 o 9 na ranggo.

Tinitiyak pa ni Trillanes na hindi nito palalagpasin ang mga opisyal ng Comelec na nakisangkot sa dayaan ng administrasyon at may mga ebidensya silang ilulutang sa mga susunod na linggo.

Samantala, imposible naman para kay Trillanes na makadalo sakaling magkaroon ng proklamasyon ang Comelec bunsod na rin ng higpit ng seguridad na kinakaharap nito. (Juley Reyes)

Militar Balisa Kay Trillanes!

MANILA (Mindanao Examiner / 30 May) – Umaasa ang ilang opisyal ng militar na hindi magsisilbing inspirasyon sa mga batang sundalo ang napipintong pagkapanalo ni dating Navy Lieutenant Seniorgrade Antonio Trillanes sa Senado.

Ayon kay Army spokesman Lieutenant Colonel Ernesto Torres, Jr. hindi malayong may mga mag-idolo ngayon kay Trillanes at subukang gayahin ang isinakatuparan nitong pagrerebelde at kahit na nakakulong ay may tsansang maging senador.

Isa si Trillanes sa nangunang junior officers nang isagawa ang nabigong mutiny sa Oakwood Hotel, Makati City noong Hulyo 2003.

Si dating Senador Gregorio Honasan umano ang nagsilbing halimbawa ng mga batang opisyal ng militar sa kanilang hangaring ipaglaban ang kalagayan ng mga sundalo at linisin sa korupsyon ang sistema ng gobyerno at Armed Forces.

Si Honasan ay magugunitang dating Colonel na nakisangkot rin sa ilang insidente ng pagrerebelde sa pamahalaan subalit paulit-ulit na nailuluklok sa gobyerno.

Gayunman, malinaw naman aniya ang itinatadhana ng regulasyon ng Armed Forces of the Philippines (AFP) at Articles of War laban sa sinumang magiging pasaway sa hanay ng militar at walang sinuman ang makakalusot dito.

Iginigiit pa ni Torres na may proseso o sistema sa militar para sa pag-aksyon ng anumang hinaing o problema sa institusyon.

Ngunit ayaw man ng militar na sumikat si Trillanes ay hindi makakaila ang kagustuhan ng maraming mga sundalo na magwagi at maupo ito bilang senador.

Maraming sundalo rin ang sumuporta kay Trillanes nuong nakaraang halalan sa kabila ng banta ng kanilang mga commander na nangangampanya diumano laban sa failed coup leader.

Sa Zamboanga City lamang ay nakapaskil ang campaign poster ni Trillanes sa loob mismo ng Edwin Andrews Air Base ng Philippine Air Force. Siguradong gagawan ng paraan umano ni Trillanes na makulong ang mga tiwaling opisyal ng militar at pamahalaan sakaling manalo bilang senador at isulong ang interes ng Armed Forces.

Sa pinakahuling partial and official tally ng Commission on Elections, nakapako sa ika-11 puwesto si Trillanes o pasok pa rin sa Magic 12 ng senatoriables. (Ulat nina Jukey Reyes at Juan Magtanggol)

Philippine Navy, Hindi Pa Rin Bilib Kay Trillanes!

MANILA (Mindanao Examiner / 22 May) – Hindi bilib ang liderato ng Hukbong Pandagat kay dating Navy Lieutenant Seniorgrade Antonio Trillanes IV kahit na manalo ito sa kanyang kandidatura bilang senador.

Kasabay nito, sinabi ni Navy Flag Officer in Command Vice Admiral Rogelio Calunsag na mali ang naging hakbang ni Trillanes na pangunahan ang nabigong kudeta noong Hulyo 2003 para lang igiit ang pagbabago sa sistema ng pamahalaan.

"If you have many grievances, if you don't like the system, you get out of the system. You don't stage a mutiny," ani Calunsag.

Gayunman, ang anumang maging resulta aniya ng eleksyon at kung maipanalo ni Trillanes, irerespeto ng militar sa paniniwalaang ito ang sumasalalim sa hangarin ng taumbayan.

Ipinaalala pa ni Calunsag kay Trillanes na ang serbisyong militar ay nakasandig sa tunay na disiplina na tila nakalimutan ng batang opisyal nang maglunsad ito ng pagrerebelde.

Nagbabala rin si Calunsag sa sinumang nagnanais na gayahin ang ginawa ng grupo ni Trillanes na mananagot sa batas ng militar kung lalabag.

Kinakailangan aniyang maging mahigpit ang militar sa mga pasaway na miyembro nito upang hindi na ulitin.

"Our approach is we throw the books at them so that other people will not follow. We have to be strict. If you let them off by just talking to them, they will do it again," diin ni Calunsag.

Sa pinakahuling canvassing ng Commission on Elections, nasa ikalabing-apat na posisyon si Trillanes na may botong 5,038,205. Subalit sa ibang independent canvassing ay ika-sampu na ito. (Juley Reyes)

Photo: Philippine Navy Officer Antonio Trillanes IV

A picture of a detained coup leader, navy officer, Antonio Trillanes IVis displayed inside a tightly guarded Philippine Air Force base in Zamboanga City. Trillanes is running for senator in May 14 elections with politicians opposed to President Gloria Arroyo's rule. Trillanes is one of many military officers accused of trying to oust Arroyo during the so-called Oakwood mutiny on July 27, 2003. (Mindanao Examiner Photo Service)

Foreign Journalists Barred From Press Conference Of Detained Coup Leader In Philippines

MANILA (Mindanao Examiner / 09 May) – The Philippine military on Wednesday barred two foreign journalists from a press conference of a detained coup leader now running for senator with politicians opposed to President Gloria Arroyo’s rule.

The duo -- Sebastian Facris, of the French International Radio and Douglas Bakshian, of the Voice of America, were accosted by soldiers after being prevented from attending the news conference of Navy officer Antonio Trillanes IV at a marine prison facility in Manila.

The Foreign Correspondents Association of the Philippines, to which the two journalists belong, organized the press conference.

The military said foreign journalists are barred from entering Philippine military camps unless with security clearance from the intelligence service.

Filipinos are to elect their senators and congressmen and local officials on May 14, but the polls are expected to be bloody because of perceived massive cheating and vote-buying.

Trillanes is one of many military officers accused of trying to oust Arroyo during the so-called Oakwood mutiny on July 27, 2003.

More than 300 armed soldiers, mostly from the elite navy seal and army rangers, took over the Oakwood hotel in Makati City, the country’s financial district, to show the Filipinos the alleged corruption of the Arroyo administration.

They later surrendered after a peaceful negotiation that promised swift reforms in the government and the Armed Forces of the Philippines. But after surrendering, all those involved in the failed coup had been detained and are now facing criminal charges. (Mindanao Examiner)

Coup Plotter, Walang Pag-asang Makalabas?

QUEZON CITY (Mindanao Examiner / 24 Apr) – Depende na umano sa desisyon ng Armed Forces General Court Martial kung mapahihintulutan nitong pansamantalang makalabas ng piitan si dating Navy Lieutenant Seniorgrade Antonio Trillanes IV upang makapangampanya bilang kandidatong senador.

Ito ang sinabi ngayon ni AFP Public Information Office (PIO) Chief Lieutenant Colonel Bartolome Bacarro na binibigyan ng pagkakataon ang sinumang detinido na mag-leave ng isa o dalawang araw sa kulungan sa dahilang humanitarian.

Kinakailangan lamang na makumbinsi ni Trillanes ang military court na kuwalipikado itong mabigyan ng konsiderasyon.

Gayunman, sinabi ni Bacarro na sakaling mapayagan naman ng Makati Regional Trial Court si Trillanes na makapagpyansa o pansamantalang makalaya ay hindi pa rin ito makakalabas ng kulungan.

Katwiran ng opisyal, nasa ilalim pa rin ng hurisdiksyon ng militar si Trillanes kung saan ay hindi naman pinapayagan o walang karapatan ang mga bilanggo nito na magpyansa.

Naninindigan ang PIO Chief na umiiral ang pantay na pagtrato sa mga detinidong opisyal at tauhan ng militar kung kayat kailangang maipatupad ang regulasyon ng AFP. (Juley Reyes)