Ama tangay ang anak, tumalon sa balon sa Cebu!

ISANG AMA ang umano’y nawala sa pagiisip matapos na mamatay sa panganganak ang sariling asawa, ngunit ang matindi nito ay tumalon sa isang balon ang lalaki bitbit ang bagong silang na sanggol sa Cebu, ayon sa mga ulat.

Mabuti umano at natagpuan ang amang si Romoo Tambo-boy, 35, at ang kanyang anak matapos ng halos 16 oras na paghahanap. Naganap umano ang incident nuong nakaraang Sabado sa Poblacion ng bayan ng San Remigio, ayon sa pulisya at sa ibang ulat kahapon.

Nabatid lamang na nawawala na ang ama at ang sanggol ng magtungo sa himpilan ng pulisya ang ina ni Romeo at humingi ng tulong na mahanap ang dalawa.

Laking gulat naman ng lahat ng makita ang mag-ama sa balon at hinang-hina na. Mabuti umano at walang tubig ang balon at hindi namatay ang sanggol. Agad naman isinugod sa pagamutan ang dalawa.

Posible umano nasiraan ng bait ang lalaki dahil sa naganap sa asawang mahal na mahal umano.

Mikey Arroyo, isa ng Youtube sensation!

MAYNILA (Mindanao Examiner / September 3, 2009 – Nagmistulang isang Youtube sensation si Presidential son, Rep. Juan (Mikey) Miguel Arroyo, matapos na lumutang ang interview nito sa GMA-7 ukol sa mga ari-arian sa Estados Unidos.

Sensation nga na maituturing, ngunit hindi dahil sa pagiging singer or artista tulad nina Charice at Arnel Pineda, subalit dahil sa dami ng mga batikos na natanggap nito mula sa mga ibat-ibang Youtube users at makikita ang mga pasaring kay Mikey sa http://www.youtube.com/watch?v=4q0JKzpjh_o.





Ito ay may kinalaman sa pag-amin na ginawa ni Mikey sa naturang panayam na galing ang yaman nito sa mga political donors at regalo ng mga kung sino-sino ng ito ay ikasal sa sariling pinsan.

Sa Youtube channel ni “Pinaswatcher” ay isa Jesse Pauleen ang nagsabing: “nagtangatangahan pero hindi nag I'M SORRY...hindi naturuan ng nanay ang batang ito... inamin pa ng kolokoy na tumatanggap xa ng pera sa eleksyon pati regalo sa kasal isinama?...may nakalimutan pa ata ang buhong... jueteng at lahar illegal income hindi isinama? bwahahahaha.....mabuti pa cnabi na lang nya pumupusta xa sa tuwing laban ni manny pacquiao kaya lumobo ang ulo nya..este...ung kayamanan nya…”

Nuong Agosto 31 lamang na-upload ang interview kay Mikey ni Arnold Clavio ng GMA-7 ngunit umabot na sa mahigit 23,000 ang hits nito at karamihan ay galit, pagmumura ang batikos na nakuha mula sa publiko – hindi lamang sa mga Pinoy, ngunit maging mga dayuhan rin na nakatutok sa mga Arroyo ang pagbabantay.

Isang user pa na nagpakilalang si Stanley ang nag-iwan ng comment: “Mikey, you are so arrogant, you really think you are above the law. I hope you get to watch yourself and see how stupid you look. You are no match to Winnie Monsod. You can't even look at her because you know she knows you are LYING. Si Arnold naman parang trying to soften the words of Winnie, kakainis.”

Mula naman kay Malaya1025 ay sinabing nitong: “What a brave face...caught in his own words...Remember the smoke of irregularities and misdeeds will explode in to flame and burn your greediness! "

Malinaw umano sa mga nag-iwan ng comment sa nakapanood na interview ni Mikey na matindi ang galit at suklam ng marami sa mga Arroyo. Kaliwa’t-kanan ang iskadalong dumating sa pamahalaang Arroyo mula ng maupo ang Pangulo nuong 2001. (Mindanao Examiner)

Krimen sa Zambo, tumataas; patayan patuloy pa rin!

ZAMBOANGA CITY (Mindanao Examiner / Agosto 30, 2009) – Kaliwat-kanan na naman ang mga pagpaslang sa lungsod ng Zamboanga at base sa ulat ng pulisya ay umabot na sa mahigit 20 ang bilang ng mga nasawi mula nitong buwan.

Inamin naman ng pulisya na karamihan sa mga patayan ay dahil sa personal grudge, ngunit naaalarma naman ang publiko sa patuloy na pagtaas ng krimen sa Zamboanga.

Isinisisi naman ng iba ang mga patayan sa gun-for-hire na siyang nasa likod sa karamihan ng mga krimen. Ngunit bigo naman ang pulisya na matunton ang mga kinaroroonan ng mga ito.

Bukod pa ito sa mga bangkay na natatagpuan sa ibat-ibang lugar sa Zamboanga.

Mataas rin ang bilang ng mga kaso ng nakawan ng motorsiklo sa lungsod at karamihan sa mga ito ay ibinibenta rin sa ibang lugar o kaya ay binabaklas at saka ipinagbibili ang mga piyesa sa murang halaga.

Mataas rin ang problema ng droga sa Zamboanga at kamakailan ay isang “shabu tiange” umano ang nabuwag ng mga awtoridad sa Barangay Recodo na kilalang lugar na kung saan ay Talamak ang bentahan ng ipinagbabawal na droga. Sinabi ng pulisya na puspusan ang kanilang kampanya upang magigil ang paglaganap ng krimen sa lungsod. (Mindanao Examiner)

Sulu, todo-kayud muli!

Sulu Governor Sakur Tan, Al-Haj, DH.

ZAMBOANGA CITY (Mindanao Examiner / August 12, 2009) – Pinaigting ni Sulu Gov. Sakur Tan ang ibat-ibang proyektong pangkabuhayan sa kanyang lalawigan bilang bahagi umano ng anti-poverty alleviation program.

Ipinag-utos ni Tan kahapon ang isang masigasig na kampanya sa ibat-ibang bayan ukol sa kooperatiba at ng sa gayun ay matulungan umano ang mga magsasaka at mangingisda. Nag-utos rin ito na dagdagan ang mga fish cages sa mga coastal town upang magsilbing pilot projects ng mga residente doon.

Sa hanay naman ng mga magsasaka ay marami na rin diumanong nagtatanim ng coffee beans dahil sa magandang market nito. Dati ay pulos mga kamoteng-kahoy lamang ang kanilang tanim, ayon kay Tan.

“Marami ng gustong maglagay ng kooperatiba, pero kailangan ay dumaan muna ang mga miyembro nito sa seminar upang mabigyan sila ng sapat na kaalaman. So far eh okay naman at maganda ang response ng ating mga kababayan.”

“Sa katunayan nga eh kailan lang ay nagtapos kami ng isang cooperative training and seminar and this will give our farmers and fisher folks an alternative source of income. We will provide them the necessary funding for their projects at ilan lamang ito sa ating mga livelihood projects ngayon,” wika pa ni Tan.

Inamin ni Tan na naghahabol ito sa mga programang nabalam dahil sa kidnapping nitong taon ng tatlong Red Cross workers na napalaya na rin lahat.

“Maraming trabaho ngayon at halos every day ay may meetings kami about all these programs and we have a lot of things to do to bring back the glory that is Sulu. Lahat ngayon eh nagtutulong-tulong para muling kaming makabangon,” ani Tan.

Nasa ilalim pa rin ng state of emergency ang buong Sulu matapos itong i-deklara ni Tan dahil sa Red Cross kidnappings. Suportado naman ng Malakanyang at ng Department of Interior and Local Government ito. (Mindanao Examiner)

Agusan province, niyanig ng lindol

COTABATO CITY (Mindanao Examiner / July 1, 2009) – Niyanig ng lindol kahapon ang lalawigan ng Agusan del Sur sa rehiyon ng Caraga sa Mindanao, ngunit walang inulat na nasawi o nasirang mga gusali.

Ayon sa alert na inilabas ng Philippine Institute of Volcanology and Seismology ay naitala ang lakas ng lindol sa 3.7 sa Richter scale. Naganap ang lindol dakong alas 10.30 ng umaga halos 23 kilometro mula sa bayan ng Prosperidad.

Tinatayang mahigit sa tatlong kilometro ang lalim sa lupa ng pinagmulan nito. Naramdaman rin umano sa ibat-ibang bahagi ng rehiyon ang lindol.

Ang Pilipinas ay nasa tinatawag na “Ring of Fire,” isang malaking area sa mundo, particular sa Pacific Ocean, na kung saan ay madalas ang mga seismic at volcanic activity.

Kasama sa Ring of Fire ang Andes Mountains sa South America, ang coastal regions ng western Central at North America, ang Aleutian at Kuril islands, ang Kamchatka Peninsula sa Japan, ang Taiwan at eastern Indonesia, gayun rin ang New Zealand at mga isla sa western Pacific. (Mindanao Examiner)

Man Killed After Stepping Our Of Prison In Davao City

TagaDAVAO CITY, Philippines (Mindanao Examiner / June 8, 2008) – A man who was just released from prison was stabbed dead in the southern Philippine city of Davao, police said Sunday.

Police said the 37-year old Edgar Singcol was killed late Saturday afternoon by an unidentified assailant, who fled after the attack.

The victim was imprisoned for mauling another man Wednesday, but had been freed by authorities because no charges had been filed against hi.

It was unknown whether the attack was connected to the mauling incident or not. Singcol was a known gang leader in his village, police said. (Romy Bwaga)

Youth Summit Idaraos Sa Sulu

SULU (Mindanao Examiner / June 8, 2008) – Isang malaking summit ng mga kabataan ang isasagawa sa lalawigan ng Sulu bago magtapos ang buwan at ngayon pa lamang ay todo na ang paghahanda para sa matagumpay na katuparan nito.

Mahigit sa libo ang inaasahang daragsa sa 1st Sulu Youth Summit at layunin nito na isakatuparan ang programang pangkabataan, ayon kay Gov. Salur Tan.

“The youth is our future and it is our responsibility today to make sure that they will become more responsible to help us in nation bulding,” ani Tan.

Kamakailan lamang ay pinapunta ni Tan ang maraming mgha high school students sa Bohol province bilang bahagi ng programang Lakbay-Aral.

Nuong nakaraang buwann naman ay mga elementary pupils at guro naman mula sa ibat-ibang paaralan sa Sulu ang dinala nito mismo sa isang educational tour sa Zamboanga City na kung saan ay nakipagkita ang mga ito kay Mayor Celso Lobregat at mga historical sites at museum doon. (Mindanao Examiner)

Cargo Ship Niratrat Ng Mga Pirata Sa Karagatan

ZAMBOANGA CITY (Mindanao Examiner / June 8, 2008) – Niratrat umano ng mga armadong pirata ang isang cargo ship sa karagatan di-kalayuan sa Mindanao habang patungo ito sa Australia mula sa General Santos City.

Sa ulat ng Philippine Coast Guard ay ligtas na nakabalik sa General Santos City ang barko, subalit may mga tama naman ito ng bala. Hindi naman mabatid kung isang Philippine registry ang nasabing barko at kung ano ang karga nito patungong Australia.

Masuwerte umano at hindi naisakatuparan ng mga pirata ang kanilang balak na akyatin ang barko.

Hindi rin malinaw kung anong grupo ang nasa likod ng pag-atake o kung mga miyembro ito ng Abu Sayyaf o kaya’y mga dayuhan.

Talamak ang piracy sa karagatan sa pagitan ng Sulu, Malaysia at Indonesia. At sa laki ng karagatan ay hindi sapat ang kakayahan ng Philippine Navy na garantiyan ang siguridad ng mga barko at mangingisda sa lugar. (Mindanao Examiner)

Lalaki, Inutas Sa Loob Ng Ospital Sa Cotabato!

SOUTH COTABATO, Philippines (Mindanao Examiner / June 7, 2008) – Patay ang isang lalaki matapos itong barilin sa loob ng pagamutan sa bayan ng Surallah nitong lalawigan na kung saan ay ginagamot ito dahil sa mga saksak sa kanyang katawan.

Sinabi ng pulisya na isinugod sa pagamutan kamakalawa ang biktimang si Jamito Padayos dahil sa tama ng mga saksak sa katawan, ngunit hindi pa man nagtatagal sa emergency room ay isang lalaki na armado ng baril ang lumusob at pinagbabaril ang sugatan.

Nabatid na galing sa isang rambulan sa videoke bar sa naturang bayan ang biktima ng ito’y masaksak. Isa umanong hostess ang naging ugat ng gulo. Hindi naman agad nakilala ang suspek, ngunit ilang mga saksi umano sa pagamutan ang nagbigay ng pahayag sa pulisya ukol sa naganap. (Romy Bwaga)

Bihag Na Parak Ng NPA, Pinalaya!

DAVAO CITY (Mindanao Examiner / June 6, 2008) – Pinalaya ng New People’s Army ang isang parak na kanilang itinuring na prisoner of war matapos na umapela diumano ang mga magulang at pamilya nito sa Davao Oriental province sa Mindanao.

Si PO1 Ruel Valmores, naka-destino sa bayan ng Boston, ay pinakawalan kamakalawa, dalawang araw matapos itong mabihag ng mga rebelde habang patungo sa isang court hearing.

Ang kasamahan nitong si Insp. Jonel Belenson, hepe ng pulisya sa naturang bayan, ay napatay naman ng magtangkang tumakas nuong Hunyo 3 sa isang NPA checkpoint sa Baranagay Kabasagan sa bayan ng Baganga.

Lubos naman ang pasasalamat ni Valmores sa mga rebelde sa pagpapalaya nito sa kanya.

Sinabi sa Mindanao Examiner ni Valmores na maganda ang pagtrato ng mga rebelde sa kanya at hindi siya sinaktan ng mga ito. Agad naman na isinasalang sa "debriefing" si Valmores upang mabatid kung ano ang naging karanasan nito sa kamay ng mga rebelde.

Bihag pa rin ng NPA ang isa pang sundalo na si Army M/Sgt. Jose Manero na dinukot nuong Mayo 11. Ang biktima ay kapatid ni ex-convict Norbero Manero, na dating lider ng mga Ilaga na siyang lumaban noon sa NPA sa Mindanao.

Sinampahan na ng kaso ng mga awtoridad ang NPA, partikular si Leonardo Pitao alias Commander Parago, na itinuturong nasa likod ng pagdukot kay Manero sa isang banana plantation sa Calinan district sa Davao City.

Si Norberto Manero ang siyang pumatay kay Italian priest Tullio Favali nuong Abril 1985 sa bayan ng Tulunan sa North Cotabato. Sinasabing kinain pa ni Manero ang utak ng misyonaryo na walang awang pinatay matapos na diumano’y mapagtripan habang pauwi sakay ng kanyang motorsiklo. (Romy Bwaga)

7 "Grains Retailers" Sinampahan Ng Kaso Dahil Sa Panloloko

DAVAO CITY (Mindanao Examiner / June 5, 2008) – Sinampahan ng kaso ng National Bureau of Investigation (NBI) ang pitong katao na umano'y nagpanggap na grains retailers upang makabili ng government rice sa murang halaga upang ibenta naman sa mas mataas na presyo sa Cabadbaran City sa Agusan del Norte.

Sinabi ng NBI sa Mindanao Examiner na nagpakilalang retailers ng National Food Authority (NFA) ang pito para makabili ng murang bigas.

Kinasuhang naman ng estafa through falsification of public documents ang mga inakusahan na sina Ludevina Awa, Rowena Moreno, Eusebio Quiagao, Stephen Piollo, Edgar Arnejo, Mirrim Sumaya at Wilfredo Miole, ayon pa sa NBI.

Malaki ang paniniwala ng NBI na may kasabwat ang mga akusado sa NFA kung kaya't nakabili ang mga ito ng sako-sakong bigas. Nagbabala namana ang NBI sa mga tiwaling empleyado ng NFA at sa mga nagpapanggap na grains retailters na itigil ang kanilang illegal na Gawain.

Ang pagsasampa ng kaso ng NBI ay kaugnay ng pinaigting na kampanya ng pamahalaang kontra rice hoarders. Bumibenta ang maraming mga mercado ng bigas hanggang sa P50 bawat kilo o mahigit pa dahil sa kakulangan ng NFA rice sa bansa. (Romy Bwaga)

MILF, Isinabit Sa Zamboanga Bombing

ZAMBOANGA CITY (Mindanao Examiner / May 30, 2008) - Muling isinabit ng pulisya ang rebeldeng Moro Islamic Liberation Front sa naganap na pagsabog sa Zamboanga City na kung saan ay tatlong katao ang nasawi at halos dalawang dosena ang sugatan.

Mabilis na pinagbintangan ni Chief Supt. Jaime Caringal, hepe ng pulisya sa Western Mindanao, ang MILF sa pambobomba kamakalawa sa labas ng Philippine Air Base na kung saan ay nawasak ang harapan ng isang building.

Sabit umano ang Special Operations Group ng MILF sa atake, bagamat patuloy pa ang imbestigasyon sa pagsabog. Mariing kinondena naman ng MILF ang akusasyon at hinamon pa ng rebeldeng grupo si Caringal na magbigay ng ebidensya.

Kaliwa’t-kanan pambabatikos ang inabot ni Caringal sa mga lider ng MILF. Nuong nakaraang buwan lamang ay mabilis rin ng pinagbintangan ni Caringal ang MILF sa dalawang pambobomba sa Zamboanga City, bagamat Abu Sayyaf naman ang itinuturo ng lokal na pulisya sa atake.

Walang umako sa pinakabagong pagsabog, subali’t naganap naman ito kasabay ng labanan sa pagitan ng MILF at militar sa Basilan mula pa nuong nakaraang linggo.

Kinondena ng MILF ang pagsabog sa Zamboanga City at sinabing kagagawan ito ng kampon ng kadiliman. Malungkot naman si Zamboanga City Mayor Celso Lobregat sa trahedyang sinapit at umapela naman ito sa media na huwag ng palakihin ang insidente.

Madalas sisihin ni Lobregat ang media sa mga negatibong balita ukol sa Zamboanga, na binansagang Asia’s Latin City dahil sa lenguaheng Chabacano na may halong Espanyol. (Mindanao Examiner)

Peace Talks Sa Mindanao, May Pag-asa Pa Kaya?

COTABATO CITY (Mindanao Examiner / May 12, 2008) Unti-unting nawawalan ng pag-asa ang Moro Islamic Liberation Front sa peace talks ng pamahalaang Arroyo at lalong nalalagay sa alanganin ang siguridad ng kapayapaan sa Mindanao.

Ito’y matapos na ipahayag ng MILF ang kawalan ng solusyon sa naantalang peace talks at mula pa nuong nakaraang taon ay wala pa rin linaw ang isyu ng ancestral domain na kahilingan naman ng rebeldeng grupo. Ito ang magsisilbing teritoryo ng tinatayang apat na milyong Muslim sa Mindanao.

Inakusahan ng MILF ang Pangulong Gloria Arroyo ng pagsasawalang bahala sa naunang memorandum of agreement ng peace panels na ibigay ng tuluyan ang ancestral domain o manawagan ng isang independence referendum sa Mindanao.

Sinisi rin ni Mohagher Iqbal, chief MILF peace negotiator, ang pamahalaang Arroyo sa patuloy nitong pagsasawalang bahala sa peace talks na nagresulta naman sa pull out ng mga Malaysian truce observers sa Mindanao.

“The Philippine government has reached the end of its pretension. The MILF to insist the resumption of the peace talks, with the government already treating it as a mockery, is a humiliation,” wika ni Iqbal.

Bagamat umalis na nuong Sabado ang halos dalawang dosenang Malaysian truce observers ay hindi naman mapigilan ni Iqbal ang kanyang hinanakit sa pamahalaang Arroyo. At pinuri rin nito ng lubos ang Malaysia sa suporta nito sa MILF at sa peace process.

“We do not know how to repay your government headed by His Excellencies Prime Minister Datuk Seri Abdullah Badawi, Deputy Prime Minister Datuk Najib Mohammad Bin Abdul Razak, and all those Malaysian IMT since 2004, except by saying thank you may Allah reward you in the day hereafter,” ani Iqbal. (Mindanao Examiner)

Extortion, Sinisilip Sa Motibo Ng Pagsabog Sa Cotabato

COTABATO CITY (Mindanao Examiner / May 09, 2008) – Patuloy ang imbestigasyon ng militar sa pagsabog na naganap sa Midsayap, isang bayan sa lalawigan ng North Cotabato.

Limang katao lamang ang sugatan sa pagabog, taliwas sa unang ulat ng militar na dalawa ang patay sa pambobomba sa isang commuter van sa terminal mismo ng nasabing bayan.

“Patuloy pa ang aming pagsisiyasat at hindi pa rin tapos. Hindi naming masabing kung sino talaga ang nasa likod nito,” ani Lt. Col. Julieto Ando, spokesman ng 6th Infantry Division, sa panayam ng Mindanao Examiner.

Hinila ng militar na may kinalamang ang extortion ng mga sindikato ang nasa likod ng atake. Wala pang umaako sa pambobomba, ayon kay Ando.

Ipinaliwanag rin nito na nagkaroon ng kaguluhan sa ibat-ibang mga ulat ukol sa casualties sa pagsabog kung kayat nagkamali ang militar sa pagsabing may nasawi sa atake. (Mark Navales)

Palace Coup, Martial Law At Cha-Cha: Abante

MAYNILA, Pilipinas - Tinalupan kahapon ni Makati City Mayor Jejomar Binay ang tatlong diskarteng ilalarga diumano ni Pangulong Gloria Macapagal-Arroyo para malusutan ang krisis na nilikha ng Lozada exposé sa kontrobersyal na National Broadband Network (NBN) project.

Ngunit agad din namang nagpahayag ng kumpiyansa si Binay, pa¬ngulo ng United Opposition (Uno), na hindi magtatagumpay ang mga desperadong hakbang na ito para maisalba ni Arroyo ang sarili mula sa tulu¬yang pagbagsak.

Ang tatlong ‘opsyon’ umano ng pamahala¬ang Arroyo ay: ‘palace coup’ o isang constitutio¬nal coup d’etat na pakana rin o ‘scripted/directed by Malacañang’ kung saan ang iuupong kapalit ni Arroyo ay si Vice President Noli De Castro; Charter change (ChaCha) o pagretoke sa Saligang Batas na walang ibang layunin kundi ang mapalawig ang termino ng mga nakaupo; at deklarasyon ng Martial Law.

Alinman sa tatlo ay imposible umanong paya¬gan ng taumbayan dahil rin¬ding-rindi na sa garapalang katiwalian sa gob¬yerno ang taumbayan.“The people are fed up with lies, corruption and violation of human rights under the regime of Mrs. Arroyo. But in these three options, we will only have more of the same. We still have Mrs. Arroyo and her husband calling the shots,” anang alkalde.

Kung ipipilit umano ng pamahalaang Arroyo alin¬man sa tatlong ‘barahang’ ito para malusutan ang implikasyon ng Jun Lozada exposé o kaya ay para mailihis kahit paano ang atensyon ng taumba¬yan palayo rito, ibinabala ni Binay na kakaharapin ng administrasyon ang ngit¬¬ngit ng sambaya¬nan sa anyo ng malalaking kilos-protesta sa mga susunod na araw na maaaring humantong sa ‘political unrest’. (Tina Mendoza)

Anti-US Rally, Nagbabanta Sa Mindanao

SULU (Mindanao Examiner / Feb. 03, 2008) – Habang papalapit ang joint RP-US Balikatan sa Mindanao at Sulu ay palakas ng palakas naman ang sigaw ng mga ibat-ibang militanteng grupo sa pagprotesta sa patuloy na pamamalagi ng mga Kanong sundalo sa rehiyon.

Inaasahang magsisimula ang Balikatan sa Pebrero 18 sa lalawigan ng Sulu, Tawi-Tawi, Basilan at Lanao, na pawang mga lugar ng mga Muslim. Sinabi ng Suara Bangsamoro na nakaumang na ang malawakang protesta ng grupo na sasamahan rin ng Consortium of Bangsamoro Civil Society at iba pa.

Mahigit sa 6,000 mga sundalo mula sa Estados Unidos at Pilipinas ang inaasahang sasabak sa Balikatan, ngunit iginigiit naman ng lokal na militar na pawang mga humanitarian at medical mission lamang ang isasagawa sa Mindanao at Sulu Archipelago at ang military training ay sa Luzon idaraos.

“Wala naman problema ang Balikatan eh. Pulos medical mission at humanitarian activities lamang ang isasagawa natin sa Mindanao at Sulu,” ani Lt. Gen. Nelson Allaga, hepe ng Western Mindanao Command, sa panayam ng Mindanao Examiner.

Subalit lumalakas ang reklamo ng kabastusan at human rights violations ng mga Kano sa mga lugar na kung saan sila naka-base.

Sa Sulu ay ipinasara ng mga aroganteng Kano ang isang pagamutan sa bayan ng Panamao sa tuwing sasapit and dilim. Sa Zamboanga City ay isang lalaki na sakay ng kanyang motorsiklo ang binangga ng isang sundalong Kano na matapos ng insidente ay iniwanan lamang nito ng isang card ang biktima at iniwang dugaan sa kalsada nuong nakaraang lingo lamang.

Sa Basilan ay may nabaril diumano ang mga Kano at hindi lamang ito ang una dahil sa Zamboanga City ay isang binatilyo rin ang ginawang target ng mga Kano habang namumulot iyo ng kahoy di-kalayuan sa isang firing range.

Matindi na umano ang galit ng mga Muslim sa mga Kano at ayaw ng karamihan na manatili ang mga ito sa Mindanao at Sulu, subali’t napipilitan na lamang dahil sa mga humanitarian at medical mission na isinagawa ng Armed Forces katuwang ang mga dayuhan.

Kapit sa patilim ang nangyayari sa mga kaawa-awang mga Muslim dahil sa hindi naman maibigay ng pamahalaan ang mga bagay na ito sa kanilang komunidad sa kabila ng matinding bigayan ng salapi ng Malakanyang sa mga kaalyadong pulitiko ng Pangulong Gloria Arroyo sa tuwing mga mga isyu ukol sa lider ng bansa. (May ambag na ulat si Nickee Butlangan)

Kemikal Leak Sa Zambo

ZAMBOANGA CITY (Mindanao Examiner / Feb. 03, 2008) – Ilang residente sa isang maliit na barangay sa Zamboanga City ang umano’y nahilo at ang iba ay nagsuka matapos na makaamoy ng kemikal na tulad sa ammonia.

Hindi pa mabatid kung saan nagmula ang masansang hangin na unang napuna kamakalawa ng gabi sa Barangay Mampang. Ngunit isang pabrika na gumagawa ng frozen seafood ang nasa lugar at hindi pa mabatid kung sa kanila galing ang masamang amoy.

Ayon sa ibang ulat ay ilang matatandang residente rin ang isinugod sa pagamutan nuong Sabado dahil sa hirap sa paghinga. Subali’t hindi pa masabi ng pulisya o ng mga barangay officials kung may kinalaman ba ito sa masamang amoy sa naturang lugar.

Ilang mga planta ng seafood at seaweeds ang kalat sa Zamboanga City, bukod pa rito ang maraming mga bularan o gawaan ng tuyo at daing, gayun rin ng mga bagoong na ilang ulit na rin inireklamo dahil sa masamang amoy sa mga lugar na kung saan ang mga ito naroon. Gayun rin ang maraming mga tuna at sardine canning factories na bumuga ng malansang amoy sa kapaligiran. (Mindanao Examiner)

Arroyo Pumabor Sa Damduhalang Kumpanya: KMU

MAYNILA (Mindanao Examiner / Enero 09, 2008) - Inakusahan kahapon ng militanteng Kilusang Mayo Uno ang pamahalaan na umano'y pumabor sa mga dambuhalang kumpanya ng langis.

Ito'y matapos na bawasan ng administrasyong Arroyo ng isang porsyento ang tariff sa mga oil imports.

"Hindi awtomatikong maibababa ang presyo ng produktong petrolyo, partikular ng diesel, sa desisyon ng gubyernong Macapagal-Arroyo na tanggalan ng isang porsiyento ang tariff o buwis sa mga produktong petrolyo na inaangkat mula sa ibang bansa," ani Prestoline Suyat, tagapagsalita ng KMU, sa pahayag nito sa Mindanao Examiner.

Naunang dineklara ni Arroyo ang pagbaba ng tariff rate sa oil imports mula 3% sa 2% na lamang. "Ang mga dambuhalang kumpanya ng langis tulad ng Shell, Chevron at Petron ang direktang makikinabang lamang dito.

Mismo sa bibig ni PGMA nanggaling na hinihiling pa niya sa mga oil companies na ibaba ang presyo ng diesel dahil sa pagbaba ng oil tariffs."

"Kung may pagbaba man sa presyo ng diesel sa susunod na mga araw, iyon ay dahil may overrprice pa na dapat tayong bawiin na P4.40 mula 2000 hanggang 2007 batay sa kompyutasyon ng IBON Foundation," wika pa ni Suyat.

Sinabi pa ni Suyat na upang tiyak na makikinabang ang taumbayan ang dapat na ginawa ng gubyernong Arroyo ay tanggalin ang 12% na Expanded Value-Added Tax (EVAT) sa mga produktong petrolyo partikular sa diesel.

"Tatlong pisong EVAT ang kinukuha ng gubyernong Arroyo sa bawat litrong diesel na kinokunsumo ng drayber at taumbayan. Kapag tinanggal ito ng pamahalaan, mas malamang na maibaba pa ang pamasahe kaya't bababa rin ang presyo ng pangunahing bilihin kaya't mas maraming mabibili ang mga manggagawa at taumbayan."

"Ngunit hindi nga ito matatanggal ng gubyernong Arroyo dahil lumalabas na sunud-sunod na pagtaas ng presyo ng langis, nakikinabang din ito ng malaki kasama ang mga dambuhalang kumpanya ng langis," paliwanag pa ni Suyat.

Idinagdag pa ng lider-manggagawa na madali para sa gubyernong Arroyo na mawalan P11Bilyon mula sa sa desisyon nitong ibaba ang tariff rate sa oil imports kumpara sa bilyon-bilyong pisong nakukuha nito sa EVAT mula sa mga produktong petrolyo.

Ayon sa IBON Foundation, 49.2 Bilyon ang nakolektang EVAT ng pamahalaan mula sa mga produktong petrolyo sa kabuuang 76.9 Bilyon nakuha nito sa lahat ng mga produkto noong 2006. (Mindanao Examiner)

Sulu, Patuloy Sa Pagunlad!

(Click image to play video)

Ulat ni Ely Dumaboc

Negros, Lalahok Sa Nationwide Transport Strike

NEGROS OCCIDENTAL (Mindanao Examiner / Dec. 12, 2007) - Pinaghahandaan na umano ng transport sector ang isang malaking rally bilang protesta sa patuloy na pagtaas ng presyo ng gasolina, diesel at iba pang produkto.

Makikilahok umano ang ibat-ibang grupo sa Negros na sasalihan rin ng mga militanteng organisasyon bilang bahagi ng isang national strike.

Hindi naman agad makunan ng pahayag ang lider ng mga aktibista at transport groups sa Negros ukol sa kanilang plano, subali't nagbabala naman ang pulisya sa anumang kaguluhang idudulot ng strike.

Hinihiling ng mga transport groups noon ang pagbaba ng presyo ng gasolina at diesel o kaya ay taasan ang pamasahe dahil sa halos wala na umanong naiuuwing pera ang mga driver.

Reklamo rin ng mga operators ang pagtaas naman ng mga piyesa. Nanawagan naman ang ilang mga driver sa publiko na suportahan ang kanilang ipinaglalaban.
Nais ng mga ito na i-deregulate ang batas sa langis dahil kino-kontrol ng Caltex, Petron at Shell ang presyo ng gasolina at diesel. Bukod sa Negros ay makikilahok rin sa rally sa mga susunod na araw ang mga ibang transport groups sa mga lalawigan. (Mindanao Examiner)