Comval gidayeg sa NEDA tungod sa nagapadayong tradition of excellence

DAVAO CITY (Mindanao Examiner / Hulyo 28, 2010) - Laing pagdayeg na usab karon ang naangkon sa Compostela Valley province tungod kay namentenar niini ang iyang tradition of excellence nga, basta iya sa Comval seguradong pulido, malampuson, ug taas ang kalidad.

Di pa dugay gipasidunggan na usab ang kagamhanang lokal sa Comval sa mga dagkong opisyal sa National Economic Development Authority, tungod kay giila sa mga ADB Consultants nga sila si Dr. Art Corpuz ug Dr. Norman Ramos, nga "more exceptionally well-crafted" ang bag-o nahumang Provincial Development Investment Program sa Compostela Valley.

Mismong si NEDA Regional Director Maria Lourdes Lim sa NEDA Regional Office XI, ang mipadangat sa iyang dakong pagdayeg ngadto kang Gov. Arturo Uy ug sa Provincial PDIP Committee nga gipanguluhan ni Romeo Celeste ang OIC Provincial Planning and Development Officer sa lalawigan.

Kini tungod sa nagapadayong excellent performance nga ilang nahimo, labi na diha sa Development Planning kalabot sa pagdumala (Governance) sa Local Government Units.

Matud ni Lim nga sila usab napasidunggan sa mga experto sa Physical Planning tungod sa maayong performance sa pipila ka mga probinsiya dinhi sa rehiyon onse labi na sa Comval. Tungod niini dako gyod ang pasalamat sa NEDA Regional Office XI ngadto sa mga opisyal ug mga staff sa Compostela Valley.

Kahibaloan nga sa nakalabayng tuig 2009, giilang modelo ang Provincial Development Physical Framework Plan sa Comval sa 46 ka mga probinsiya sa nasud nga maoy unang nakahuman paghimo niini.

Matud sa mga experto labi na sa mga ADB Consultants, nga Exceptionally prepared gyod ang PDPFP sa Comval gawas nga kini maoy labing unang nahuman.(PIA)