Wednesday, July 28, 2010

Ex-Marine Colonel Ariel Querubin gihatagan og kasamtangang kagawasan

MAYNILA (Mindanao Examiner / Hulyo 28, 2010) - Nakagawas na sa iyang bilanggoan si kanhi Marine Colonel Ariel Querubin niadtong Miyerkoles sa udto, labaw sa upat ka tuig human nahilambigit sa pakyas nga pagsulay sa pagpukan sa administrasyon ni kanhi Presidente Gloria Arroyo.

Si Armed Forces of the Philippines Chief of Staff General Ricardo David nipirma niadtong Martes sa gabii sa provisional release papers sa nabilanggong opisyal.

Matud pa sa tigpamaba sa AFP nga si Brigadier General Jose Mabanta, si Querubin kinahanglan pang motambong sa tanang hearings sa iyang general court martial ug dili pwede mobiya sa nasud.

Ibutang siya ubos sa custody ni Brigadier General Reynaldo OrdoƱez, pangulo sa AFP's Defense Reform Office.

Si Querubin gi konsidera nga ni retiro gikan sa military service human ni dagan apan napildi sa pagka senador niadtong Mayo 10 nga piliay ubos sa Nacionalista Party.

No comments: